Түбән Көек урта мәктәбе каршында ачылган мәктәп яны ял лагереның 8 нче көне «Үткәнеңне онытма син!» темасы астында билгеләп үтелде. Иртәнге аштан соң, тиз генә җыйналдык та, Иске Казан дәүләт тарих, мәдәният һәм табигать музей-тыюлыгына юл тоттык. Аллага шөкер, исән-имин, күңелле генә сәяхәт итеп кайттык.

Түбән Көек урта мәктәбе каршында ачылган мәктәп яны ял лагереның 7 нче көне дә үтеп китте. Бүгенге көн «Информатика көне» буларак билгеләп үтелде. Шушы уңайдан укучылар иртәнге линейкадан соң информатика кабинетына җыйналдылар. Информатика укытучысы Хисмәтуллин Илнур балаларны компьютер серләренә төшендерергә ашыкты. Укучылар ЛогоМиры программасы белән таныштылар һәм эшләү күнекмәләре алдылар. Көннең икенче яртысында математика түгәрәге узды. Мәктәпнең тәҗрибә участогында да эшләргә өлгерделәр. Бүген укучыларны лагерьдан кайтарып җибәрүе дә бик җиңел булмады. Сүзләре гел информатика түгәрәге турында иде. Рәхмәт, Илнур абый!!!!!!

Түбән Көек урта мәктәбе каршында ачылган мәктәп яны ял лагереның 6 нчы көне дә килеп җитте. Бүгенге көн «Бөтендөнья әйләнә-тирә мохитне саклау көне» буларак истә калыр мөгаен. Шушы уңайдан презентация карадык, башваткычлар чиштек, шигырьләр укыдык. Соңыннан шушы темага рәсем конкурсы узды. Төшке аштан соң дару үләннәре җыярга да өлгердек. Молодцы, балалар!

Түбән Көек урта мәктәбе каршында ачылган мәктәп яны ял лагереның 5 нче көне «ГТО көне» буларак билгеләп үтелде. Иртәнге аштан соң шахмат түгәрәге узды. «Нәрсә ул ГТО?» дигән темага сөйләшү булды. ГТО күнегүләре тикшерелде. Соңыннан эстафета үткәрелде.

Түбән Көек урта мәктәбе каршында ачылган мәктәп яны ял лагереның 4 нче көне «Шигърият көне» буларак билгеләп үтелде. Александр Сергеевич Пушкинның тормышы һәм иҗатына багышланган презентация күрсәтелде, әкиятләре буенча мультфильм каралды. Китапханәгә экскурсия ясалды. Анда китапханәче Шәрәфиева Гөлфия А.С. Пушкинның китаплары белән таныштырды. Соңыннан Пушкин әкиятләренә рәсем конкурсы уздырылды. Иң яхшы рәсем ясаучылар булып Хәкимов, Зиганшина, Аскаров табылды.

Түбән Көек урта мәктәбе каршында ачылган мәктәп яны ял лагереның 3 нче көне «Калатау серләре» дигән исем астында үтте. Балалар иртәнге зарядка, линейкадан соң Әләшә бәйрәменә юл тоттылар. Үзләре өчен күп кенә яңалык алып кайттылар бәйрәмнән.

Түбән Көек урта мәктәбе каршында ачылган мәктәп яны ял лагереның 2 нче көне «Мин – дизайнер» дигән исем астында үтте. Балалар отряд почмакларын ясадылар, лагерьның ачылышына әзерләнделәр. Саф һавада уеннар уйнадылар, шахмат ярышы үткәрелде. Экстремаль очракларда саклану өчен эвакуация планын өйрәнделәр. Мәктәпнең тәҗрибә кишәрлегендә эшләргә дә вакыт таптылар.

Түбән Көек урта гомуми белем мәктәбендә «Йолдызчык» җәйге ял лагере үзенең эшен башлап җибәрде. 1 нче көн – «Балаларны яклау көне» буларак билгеләп үтелде. Укучылар лагерьда куркынычсызлык кагыйдәләре белән таныштылар, отрядларга бүленделәр. Җырлар, девизлар сайладылар. Көннең икенче яртысында асфальтка рәсем ясадылар. Мәктәп балаларның шат авазыннан яңгырап торды.

Хөрмәтле укытучылар, укучылар һәм аларның әти-әниләре!

Түбән Көек урта гомуми белем мәктәбе коллективы сезне «Соңгы кыңгырау» бәйрәме белән тәбрикли.

Чыгарылыш сыйныф укучыларына шатлык-сөенечләр, зурдан-зур уңышлар, бәхет, дәүләт имтиханнарын бик яхшы билгеләргә биреп, теләгән уку йортларына керүләрен тели.

«Парклар маршы - 2016» конкурсында фотографияләр һәм рәсемнәр белән катнашып, Түбән Көек урта гомуми белем мәктәбе укучылары Йосыфов 2 нче урын (укытучысы Абдуллина Гөлназ Газиз кызы), Гиниятова 3 нче урын (укытучысы Зарипова Рүзия Сәлих кызы), Сафина 3 нче урын (укытучысы Заһидуллина Розалия Әхәт кызы) яулап Диплом һәм истәлекле бүләкләр белән бүләкләнделәр. 

Түбән Көек урта гомуми белем мәктәбе укучысы Закиров Җиңү көне уңаеннан сугыш еллары темасына багышлап иҗат ителгән шигырь конкурсында катнашып грамота белән бүләкләнде. Конкурсны Татарстан Республикасы хәрби комиссариатының Арча һәм Әтнә районнары буенча бүлеге белән берлектә «Әтнә таңы» газетасы оештырды.