Статистика
Онлайн барлыгы: 1
Кунаклар: 1
Кулланучылар: 0
Вакыт аккан судай сизелми дә... Лагерьның ундүртенче көне дә төгәлләнде. Иртәдән «Гиннес рекордлары» көне уңаеннан тантаналы линейка узды һәм бүгенге көннең планлаштырган эш-чаралары белән таныштык. Алда безне «Иң-иң-иңнәр...», «Слабо», «Син шулай булдыра аласыңмы?» конкурслары көтә иде. Конкурсларның җиңүчеләрен ачыкладык һәм аларны тәмле күчтәнәчләр белән бүләкләдек.
...
Дәвамын укырга »
Лагерьның унөченче көне хәтеребезгә Балтач районы Карадуган авылында урнашкан герой-шагыйрь Муса Җәлил музеена бару белән кереп калыр. Юлыбыз шактый ерак булса да, төшенкелеккә бирелмәдек, чөнки безне анда бик үзенчәлекле музей, аның экспонатлары көтеп тора иде. Беренче телевизор, фотоаппарат, кәрәзле телефонны күреп без таң калдык. Музей үзе кечкенә генә булса да, ул бик бай һәм мавыктыргыч.
...
Дәвамын укырга »
Бүген безне чираттагы сәяхәт көтә иде. Габдулла Тукайны искә алу максаты белән Яңа Кырлай авылына юл тоттык. Без яңадан Габдулла Тукай турында булган белемнәребезне ныгыттык, кинофильм карадык һәм кечкенә Апушның тормышына өлеш керткән Сәгъди абыйның йортында да булырга өлгердек.
...
Дәвамын укырга »
Бүгенге көн «Иләкләп, чиләкләп, пәрәмәчкә, коймакка ...» дигән девиз астында үтте. Яңгыр турында төрле ритуаллар өйрәндек, легендалар һәм риваятьләр укыдык. Көнебезне «Кояш көлеп карый безгә» дигән темага рәсем конкурсы төгәлләде.
...
Дәвамын укырга »
Шулай итеп лагерьның 10 нчы көнен дә төгәлләдек. Бу көн укучыларның хәтеренә Иске Казанга сәяхәткә бару белән кереп калыр. Иске Казан музее тарихи истәлекләргә, экспонатларга бик бай. Музей 4 бүлектән тора: милли хәзинә, күңел бизәкләре, хезмәт кораллары, мәгърифәт нуры. Музейдан соң без Изгеләр чишмәсенә юл алдык: анда чишмәдән су эчтек, теләкләр теләдек, сәдака салдык. Сәяхәт барыбызның да күңеленә хуш килде!
...
Дәвамын укырга »
Бүгенге көн «Тизрәк, биегрәк, көчлерәк – Универсиаданы каршылап» дип аталган девиз астында үтте. Чөнки көннең күпчелек өлеше эстафеталар, зоологик йөгерешләр, комик ярышлар һәм бик җитди ярышларга багышланган иде.
...
Дәвамын укырга »
Лагерь планында төрле экскурсияләр булу балаларда тагын да күбрәк кызыксыну уята. Шул максат белән без Казан шәһәренә юл алдык. Без анда кинода булдык һәм балаларның иң яраткан урыны – Макдоналдска кереп, тамак ялгадык.
...
Дәвамын укырга »
2013 нче елның 7 нче июнендә иртәнге аштан соң барыбыз да, башларыбызга яулык һәм түбәтәйләр киеп, автобус белән Кала тавына Изгеләр чишмәсенә юл алдык. Анда каберлекләрне карадык, сәдакалар салдык. Балалар белгән догаларын сөйләделәр. Бу сәяхәттә берничә тапкыр булуларына карамастан, балаларга ул бик ошады.
...
Дәвамын укырга »
Шулай итеп лагерьның алтынчы көнен йомгакладык. Көнебез иртәнге линейка һәм зарядкадан башланып китте. Көн яңгырлы булу сәбәпле, бүгенге планлаштырган чаралар бина эчендә үтте. Иртәнге аштан соң, спортзалга «Күңелле стартлар» ярышына җыйналдык. Йөгереп, уйнап арыгач, өстәл уеннарына чират җитте. Кемдер шашка-шахмат уйнады, кемдер өстәл теннисын үз итте. Рауза апаның тәмле пилмәннәрен авыз иткәч, авылыбыз мәчетенә юл алдык. Анда без коръән китабы белән таныштык, вәгазь тыңладык һәм авылыбыз имамыннан дин дәресләренә йөрүгә чакыру алдык. Без бу чакыруга бик теләп ризалаштык һәм алдагы көннәрдә гарәп каллиграфиясенә төшенәчәкбез! Бүгенге көн белән без бик канәгать.
...
Дәвамын укырга »
Шулай итеп лагерьның дүртенче көне үтеп китте. Безне бүген план буенча мавыктыргыч уеннар, күңел ачулар көтә иде. Көнебез иртәнге линейка һәм зарядкадан башланып китте. Иртәнге аштан соң барыбыз да яшелчә бакчасына юнәлдек. Алда безне бик файдалы һәм үзенчәлекле шөгыль көтә иде. Егетләребез Гомәр абый белән бадминтон уйнау серләренә төшенделәр, ә кызларыбыз Гүзәл апай белән төрле төсле ленталардан үзләренә җаны теләгән бижутерияләр әзерләде: чәч резинкасы, заколка, брошь һ.б. Калган вакытта без яратып өлгергән татарча мультфильмнар карадык.
...
Дәвамын укырга »
Тагын яңа көн туды. Барыбыз да лагерьга җыйналдык. План буенча бүген безне Кушлавычка сәяхәт көтә иде, ләкин техник сәбәпләр буенча сәяхәтебез күчерелде. Аңа карап күңелебез төшмәде, чөнки безне күп төрле шөгыльләр көтә иде. Көнебез иртәнге линейка һәм гимнастикадан башланып китте. Тамак ялгап алгач, барыбыз да күмәкләшеп отряд эшләрен башкардык: девиз, җырлар өйрәндек. Ял лагеры булса да, без әле инглиз теленнән белемнәребезне ныгытырга да өлгерәбез. Лагерьда ял итү бик күңелле һәм рәхәт! Рәхмәт җитәкчеләребезгә.
...
Дәвамын укырга »
Бүген якшәмбе... көн шундый матур: талгын гына җил исә, ягымлы итеп кояш кыздыра! Балалар күтәренке кәеф белән лагерьга җыйналдылар. Көн музыка астында иртәнге зарядка белән башланып китте. Иртәнге аштан соң, укучылар 2 отрядка: «Тамчы» һәм «Теремкәй»гә бүленделәр. Үзләренә җыр, девиз, капитан сайлап куйдылар һәм тырышып отряд почмагын ясарга керештеләр. Ял итү белән беррәттән укучыларыбыз мәктәп яны участогында да актив эш алып баралар. Бүген алар су сиптеләр, чүп утау эшләрендә бик теләп катнаштылар.
...
Дәвамын укырга »
2013 нче елның 1 нче июнендә Түбән Көек урта гомуми белем бирү мәктәбе каршындагы «Йолдызчык» җәйге сәламәтләндерү ял лагере чираттагы эшен башлап җибәрде. «1 нче июнь – балаларны яклау көне» уңаеннан асфальтта төсле бурлар белән рәсем ясау оештырылды. Балалар отрядларга бүленделәр, исем, җыр сайладылар, девиз уйладылар һәм лагерьны ачу тантанасында катнаштылар. Быелгы смена тагын да кызыклырак, файдалырак, мавыктыргыч булыр. Чөнки 21 көн дәвамында укучыларны төрле-төрле экскурсияләр, уен-конкурслар, очрашулар көтә!
...
Дәвамын укырга »
« 1 2 ... 84 85 86 87 88 ... 103 104 »
