«Туган тел – халык байлыгы» - «Родной язык – богатство народа» республикакүләм онлайн шигырь укучылар бәйгесе Татарстан Республикасында “Туган телләр һәм халыклар бердәмлеге елы” уңаеннан үткәрелә.

Конкурсның оештыру комитеты:

• Казан шәһәре Киров районының «Билингваль катнаш төрдәге 7нче номерлы балалар бакчасы” мәктәпкәчә муниципаль бюджет белем бирү учреждениесе (https://edu.tatar.ru/kirov/org6882, https://www.instagram.com/ds7_altin_hiyal);
• «Татнетны үстерү фонды” коммерцияле булмаган оешмасы (https://tat-i.net, https://www.instagram.com/tatnet.fond).  ... Дәвамын укырга »

Хөрмәтле татар әдәбиятын сөючеләр!

Белгәнегезчә, җәй айларында - җәйге каникул вакытында - #әдәбимарафон проекты балалар һәм 18 яшькәчә яшүсмерләр өчен генә үткәрелә. 1 - 21 июль көннәрендә Интернет челтәрендә татар телле китапларның тышлыклары, балалар өчен язылган әдәби әсәрләр һәм шигырьләрдән өзекләр ешрак очрый башлый. Әлбәттә инде, татар әдәбияты белән кызыксынган һәм туган телен үз иткән кешеләрнең яңалыклар тасмасында гына бу шулай. Дусларыгыз арасында китап укый торган, яңа белемнәр алу белән кызыксына торган креатив кешеләр булмаса, социаль челтәрләрдә чүп-чар гына карап утырырга гына да мөмкинсез. Дусларыгыз нинди кеше булса, әкренләп үзегез дә шундый кешегә әверелә барырсыз. Шуңа күрә, Интернетта дусларны дөрес сайлый белергә тәкъдим итәбез.  ... Дәвамын укырга »

Агымдагы елның 15 нче июлендә Татарстан Республикасында туган телләр һәм халыклар дуслыгы елы һәм Габдулла Тукайның тууына 135 ел тулу уңаеннан Татнетны үстерү фонды тарафыннан Татарстан язучылар берлеге белән берлектә, Татарстан Республикасы Президенты каршындагы татар телен саклау һәм үстерү мәсьәләләре комиссиясе, республикабыз министрлыклары, Фонда ярдәм итәргә теләк белдергән башка юридик һәм физик затлар ярдәме белән Арча муниципаль районында #ӘДӘБИСАБАНТУЕ үткәреләчәк.  ... Дәвамын укырга »

Сәламәтлегебезне кайгырту - безнең төп бурычларыбызның берсе. Күп кенә чирләр һәм гадәтләр буыннан-буынга геннар аша тапшырылып килсә дә, без бик еш кына үзебезнең сәламәтлекне үзебез бозабыз. Әмма, сәламәтлеген тиешенчә кайгыртып, геннар аша тапшырылган чирләрне җиңүчеләр дә юк түгел.

#СӘЛАМӘТИРТӘ проекты шундый үзеңне үзең кулга алу һәм сәламәтлегеңне кайгырту проекты. Проект кысаларында үзеңдә яхшы гадәт - иртән иртү торып йөгереп кайту гадәтен формалаштырырга һәм сәламәтлекне ныгытырга мөмкин.  ... Дәвамын укырга »

"Авылым гүзәллеге" (#авылымгүзәллеге) проекты 2020 елның языннан алып елга бер мәртәбә үткәрелә башлады, ул туган ягыбызны кадерләү, табигатен саклау, авылларны яхшырту, авылда туып-үскән шәхесләрне таныту максатыннан оештырыла. Проектта татар авылында туып үскән, дөньяның төрле почмагында яшәүче интернет-кулланучылар катнаша ала.

Бәйгенең төп оештыручысы: Татнетны үстерү фонды, идея авторы - Раил Галиев.

Быел әлеге онлайн-марафон Инстаграм социаль челтәрендә #сәламәтиртә проекты белән параллель рәвештә 11 майдан 31 майга кадәр үткәрелде.  ... Дәвамын укырга »

2017 елда нибары 30-35 финалисты булган #ӘДӘБИМАРАФОН проекты быел тулы бер стадион җыячак. #ӘДӘБИСАБАНТУЕ дип исемләнгән бүләкләү тантанасына быел 3 меңнән артык кеше чакырулы. Алар арасында XIV һәм XV Дөньякүләм #әдәбимарафон проекты финалистлары, V Россиякүләм #сәламәтиртә проекты финалистлары, II Россиякүләм #авылымгүзәллеге онлайн-проекты финалистлары бар.

Тантана Габдулла Тукайның тууына 135 ел тулу уңаеннан 15 нче июль көнне Арча шәһәре стадионында үткәреләчәк, әдәби Сабан туеннан соң кунаклар өчен Габдулла Тукай музей комплексына (Яңа Кырлай авылы), Габдулла Тукай музеена (Кушлавыч авылы), Мөхәммәт Мәһдиев музеена (Гөберчәк авылы), «Казан арты» тарихи-этнографик музеена һәм "Әлифба" музеена (Арча шәһәре) экскурсияләр оештырылачак. Тантана татар халкына хас милли Сабан туе уеннары белән бергә үрелеп барылыр, дип көтелә.  ... Дәвамын укырга »

Хөрмәтле татар әдәбиятын сөючеләр һәм Татнет кулланучылары!

1-21 апрельдә үткәрелгән XV #әдәбимарафон проектының финалистлары билгеле. Әлеге исемлеккә бәйгенең кагыйдәләрен үтәгән, игътибарлы һәм максатчан булган, 21 көн дәвамында татар китап/журналларын кулына тотып укыган һәм алардан кызыклы өзекләр белән үз аккаунтларында уртаклашкан кулланучылар үтте.

Исегезгә төшерәбез, XV #әдәбимарафонда катнашырга 2300 дән артык гариза кабул ителгән иде. Финалга алар арасыннан 2019 марафончы гына барып җитте (бу әле тулы исемлек түгел, якын көннәрдә, 1 майга кадәр, әлеге исемлеккә техник сәбәпләр аркасында эләкми калган кулланучылар өстәлергә мөмкин). Финалистлар исемлеге белән таныштырабыз һәм XV #әдәбимарафон финалына уңышлы килеп җитүләре белән чын күңелдән котлыйбыз.  ... Дәвамын укырга »

Әдәби марафон (#әдәбимарафон) ел саен 1 нче гыйнвар, 1 нче апрель, 1 нче июль (мәктәп укучылары өчен генә), 1 нче октябрьдә башланып китә һәм 21 көн дәвамында бара; марафонда дөньяның төрле почмакларыннан татарча яза һәм укый алган һәркем катнаша ала. XV #әдәбимарафон үткәрелү вакыты: 2021 елның 1-21 апреле.

XV #ӘДӘБИМАРАФОН проектында катнашу һәм финалга үтү өчен:

1) Бәйгенең нигезләмәсен игътибар белән (!) укып чыгыгыз: tat-i.net/tt/adabimarafon-15.
2) Әдәби марафонның рәсми берләшмәсе яңалыкларына язылыгыз: vk.com/adabimarathon.  ... Дәвамын укырга »

Проектта катнашырга теләк белдергән 1500 дән артык кеше арасыннан дөньяның төрле почмагыннан 1300 дән артык кеше XIV #әдәбимарафонның финалына барып җитә алды!

XIV #әдәбимарафон 2021 елның 1 нче гыйнварыннан алып 21 нче гыйнварга кадәр дәвам итте. 21 көн дәвамында катнашучылар кулларына китап һәм журналлар алып татарча әдәби әсәрләр, шигырьләр укыдылар һәм алардан иң кызыклы һәм файдалы, мәгънәле һәм уйландыра торган өзекләрне үзләренең аккаунтларында ВКонтакте һәм Инстаграмда #әдәбимарафон хэштегы белән урнаштырып бардылар. Яңа елның беренче көненнән үк әдәби марафончылар, китап уку кебек яхшы гадәт тәрбияләү белән беррәттән, тайм-менеджментка (китап укырга вакыт табарга), игътибарлылыкка, гаделлеккә, төгәллеккә өйрәнделәр, тормышка карашларын киңәйттеләр, Интернет челтәрендә яңа дуслар һәм фикердәшләр таптылар.  ... Дәвамын укырга »

Татар әдәбиятын сөйгән һәм татар әдәбияты белән кызыксынып барган интернет-кулланучылар өчен без "әдәби марафончылар күзлегеннән язучылар рейтингы"н урнаштыруыбызны дәвам итәбез.

2020 елның 1 нче октябреннән алып 21 нче октябренә кадәр #әдәбимарафон проектында катнашып, марафонның финалына узган интернет-кулланучылар арасында без сораштыру үткәрдек. Ул гадәттәге анкета тутыру кысаларында оештырылды.

"Финал тантанасында кайсы шәхесләрне күрергә телисез?" - дип бирелгән сорауга нәтиҗәләр түбәндәгечә булды:

Рабит Батулла - 388 кулланучы,
Зифа Кадырова - 207,
Данил Салихов - 188,
Факил Сафин - 143,
Нәбирә Гыйматдинова - 137,
Гөлсинә Галимуллина - 124,
Айгө ... Дәвамын укырга »