"Белем җәүһәрләре" бәйгесе быел алтынчы мәртәбә үзенең финалистларын игълан итә. Аларның саны быел - 46. Бәйгегә кабул ителгән 73 сайт арасыннан 46 интернет-проект жюри әгъзаларының хуплавын тапты.

Финалистлар исемлегенә күчәр алдыннан быелгы бәйге буенча кайбер статистик мәгълүмат белән таныштырып үтәргә телибез.

Быелгы бәйге Татарстанның 19 районы һәм шәһәрен, Башкортстан, Самара, Оренбург өлкәләрен колачлады.
Иң күп интернет-проект - Яр Чаллы шәһәреннән (15 проект).
Бәйгедә 6 кеше икедән артык сайты белән катнаша. Иң яшь катнашучыга - 7 яшь (Яр Чаллы).
Бәйгедә катнашучы 26 сайт - Jimdo, 16 сайт - ucoz платформасында ясалган.
17 сайт (23%) икенче дәрәҗә доменда, калган сайтлар өченче дәрәҗә доменда урнашканнар.

... Дәвамын укырга »

Хөрмәтле татар интернетчылары һәм татар интернеты белән даими кызыксынучылар!

Берничә сәгать элек VI "Белем җәүһәрләре" дөньякүләм файдалы татар интернет-проектлары бәйгесенә гаризалар кабул итү тәмамлануын хәбәр итәбез.

Шунысы сөенечле, елдан-ел Интернет челтәрендә файдалы татар сайтлары саны арта бара. Быелгы бәйгегә катнашырга теләк белдереп оештыру комитетына 90 га якын гариза килде, алар арасыннан 74 (!) интернет-проект бәйгегә кабул ителде.

Соңгы елларда бәйгедә катнашучылар саны статистикасы шундый:

• 2010 нчы ел - 40 сайт;
• 2011 нче ел - ... Дәвамын укырга »

"Белем җәүһәрләре - 2015" бәйгесенә гаризалар кабул итү тәмамланып килә. Гаризалар тапшыру өчен 10 көннән ким вакыт калды.

Бәйгедә катнашырга теләк белдереп быел инде 50 дән артык гариза килде. Кызганыч, әмма аларның барысы да кабул ителмәде, бәйгегә кабул ителмәгән гаризалар саны аз түгел. Кемнеңдер сайты эшләп бетмәгән, кемнеңдер сайты рус телендә генә, ә кемнәрдер сайт урынына порталдагы яисә социаль челтәрдәге шәхси сәхифәләрен тәкъдим итәләр, сайтның үзе ничек ясалганын белмиләр дә.

Бер кулланучыбыз исә "Бик уңайлы сайт" дип http://belem.ru порталын тәкъдим итте. :) Кызганыч, әмма әлеге интернет-проектны да бәйгегә кабул итеп ала алмадык.

Ел саен күңелне төшерә торган вакыйга быел д ... Дәвамын укырга »

Дөньяда танылган TNS тикшеренү компаниясе Татарстанда интернет тармагына кагылышлы зур тикшеренү уздырган. Республикада көн саен 1,7 миллионнан артык кеше (53 процент) интернетка керә икән. Аларның төп өлеше шәхси компьютер, телефон һәм гаджетлар белән тәэмин ителгән. Мәктәп укучылары, компания җитәкчеләре һәм хуҗабикәләр интернетта “яши” дисәң дә була.

Татарстанда интернеттан файдаланучыларның айлык аудиториясе 2,2 миллионга якын (66 процент) тәшкил итә, аларның 53 проценты челтәргә көн саен керә. 1,1 миллионнан артык кеше интернетка компьютер, планшет һәм смартфоннар ярдәмендә тоташкан. 333 мең кеше (15 процент) бары тик мобиль интернеттан гына файдалана, дип яза РБК-Татарстан тикшеренү мәгълүматлары буенча.

Халкы 100 меңнән артып киткән шәһәрләрдә йорт хуҗалыкларын ... Дәвамын укырга »

22 май көнне I Республикакүләм «Яшь татнетчылар» интернет-проектлар бәйгесенең беренче җиңүчеләрен бүләкләү тантанасы булып узды. Әлеге Бәйге Яр Чаллы шәһәре «Мулланур Вахитов исемендәге 2 нче гимназия» муниципаль бюджет гомуми белем бирү учреждениесе һәм Татнетны үстерү фонды тарафыннан үткәрелде.

Бәйгенең максатлары һәм бурычлары:

• укучыларда Интернет челтәренең татар сегментын һәм Интернет челтәрендә татар телен файдалануга карата кызыксыну уяту;
• заманча технологияләрне, интернет-проектлар ясау нигезләрен яхшы белгән әхлаклы, белемле татар балаларының санын арттыру, аларны таныту, башкаларга үрнәк итеп кую.

... Дәвамын укырга »

18 май көнне Бөтендөнья татар конгрессының Казан иҗтимагый оешмасы, Татнетны үстерү фонды, ТР Мәгариф һәм фән министрлыгы "Яңа гасыр" телерадиокомпаниясе белән берлектә Г.Камал исемендәге Татар дәүләт академия театрында Бөек Җиңүнең 70 еллыгына багышланган "Ул көннәрнең даны онытылмас" ("Этих дней не смолкнет слава") дип исемләнгән видеочыгышлар бәйгесе финалистларын бүләкләү тантанасын оештырдылар.

Тантанага 100 дән артык кеше - бәйгенең финалистлары (укучылар, укытучылар) һәм сугыш һәм тыл ветераннары да килгән иде. Жюри әгъзалары тарафыннан финалга 19 проект тәкъдим ителде. Әлеге проект исемнәрен кулланучыларыбызга ирештергән идек инде. Якын арада әлеге финал видеоязмалары Белем.ру порталында урнаштырылачак.

Сезгә әлеге тантана турында "Яңа г ... Дәвамын укырга »

Бу көннәрдә Татнетны үстерү фонды (tat-i.net) һәм ТР Яр Чаллы шәһәре «Мулланур Вахитов исемендәге 2 нче гимназия» муниципаль бюджет гомуми белем бирү учреждениесе оештырган «Яшь татнетчылар - 2015» I интернет-проектлар бәйгесенең җиңүчеләре билгеле булды. Без чын күңелдән сезне әлеге яшь татар интернетчылары белән таныштырабыз.

Башлангыч (I-IV) сыйныфлар:

• Ризатдинова Мәрьям – “Татарстанның балалар театрлары” (tatarstankidtheatre.jimdo.com)
• Шарафеев Айнур – “Алтын компьютер” (goldcomputer.jimdo.com)
• Вәлиулина Азалия – “Дуслык” бала ... Дәвамын укырга »

Без Бөтендөнья татар конгрессының Казан иҗтимагый оешмасы, Татнетны үстерү фонды, Татарстан Республикасы Мәгариф һәм фән министрлыгы, "Яңа гасыр" телерадиокомпаниясе һәм Г.Камал исемендәге Татар дәүләт академия театрының Белем.ру порталы кысаларында Бөек Җиңүнең 70 еллыгына багышланган "Ул көннәрнең даны онытылмас" ("Этих дней не смолкнет слава") дип исемләнгән видеочыгышлар бәйгесе үткәрүе турында хәбәр иткән идек инде. Әлеге бәйгене үткәрү тәкъдиме белән Татнетны үстерү фондының Попечительләр советы утырышында (13.02.2015) Фондның попечительләр советы әгъзасы Мифтахов Фәрид Фәиз улы чыккан иде.

Бу тәкъдим бертавыштан хупланды, бәйгенең нигезләмәсе әзерләнде һәм март-апрель айларында бәйгенең оештыру комитеты тарафыннан гаризалар кабул итү оештырылды. Электрон почта адресына һәм Бөтендөнья татар конгрессының Казан иҗтимаг ... Дәвамын укырга »

Республикабыз мәктәпләренең 4 нче сыйныф укучылары өчен оештырылган «Туган ягым – яшел бишек» бәйгесендә бу уку елында иҗади эш – тугра белән 23 бала 8 муниципаль районнан катнашты. Алар мәктәптә укучылар һәм мөмкинлекләре чикле булган балалар төркеменә бүленеп бәяләнделәр.

26 нче апрель көнне, Яр Чаллы шәһәренең 1 нче шәһәр балалар һәм яшьләр иҗат сараенда бәйгегә нәтиҗә ясалды, җиңүчеләргә дипломнар, грамоталар һәм бүләкләр тапшырылды.

Туграларга тавыш бирү 27 марттан 20 апрельгә кадәр бәйгенең "Татар иле" социаль челтәрендәге рәсми төркемендә дә алып барылды. Туграларга тавыш бирү бәйгесендә 90 тавыш җыеп, Яр Чаллы шәһәренең «51 нче урта гомуми белем бирү мәктәбе» муниципаль автоном гомуми белем бирү учреждениесе 4 нче сыйныф укучы ... Дәвамын укырга »

I Республикакүләм «Яшь татнетчылар» интернет-проектлар бәйгесе Интернет челтәренең татар сегментында (Татнетта) мәгълүмати технологияләр юнәлешендә сәләтле балаларны берләштерү һәм алар белән эшләү, аларны “Белем җәүһәрләре” һ.б. дәрәҗәле интернет-проектлар бәйгеләренә әзерләү максатыннан чыгып үткәрелә һәм түбәндәге бурычларны күз алдында тота:

• укучыларда Интернет челтәренең татар сегментын һәм Интернет челтәрендә татар телен файдалануга карата кызыксыну уяту;
• заманча технологияләрне, интернет-проектлар ясау нигезләрен яхшы белгән әхлаклы, белемле татар балаларының санын арттыру, аларны таныту, башкаларга үрнәк итеп кую.

Бәйге Татнетны үстерү фонды (http://tat-i.net) ... Дәвамын укырга »