IX Дөньякүләм "Әдәби марафон" (#әдәбимарафон) проектында катнашкан хөрмәтле китап укучылар!
1 - 21 октябрь көннәрне өч атна дәвамында Татнетны үстерү фонды һәм Татарстан Язучылар берлеге тарафыннан интернет челтәрендә #әдәбимарафон проекты үткәрелде. 21 көн дәвамында кулга китап алырга, 21 көн дәвамында укыган китаплардан иң кызыклы һәм файдалы өзекләрне үзеңнең ВКонтакте яисә Инстаграмм аккаунтларында урнаштырып барырга кирәк иде. 900 гә якын кеше әлеге марафонның ахырына кадәр барып ирешә алды.
Проектны уңышлы үткән финалистлар 15 нче ноябрь көнне Казан шәһәре Идел буе физик культура, спорт һәм туризм академиясенең "Академия" концертлар залына Казан шәһәре, Универсиада авылы, 35 адресы буенча чакырулы. Тантана 11:00 сәгатьтә башланып китәчәк.
Тантанада китап укучылар белән очрашуга танылган язучылар, шагыйрьләр, Г.Тукай премиясе лауреатлары, телевидение һәм матбугат чакырулы. Чара барышында автограф-сессияләр, танылган шәхесләр белән фотосессияләр оештырылачак, финалистларны сәхнәдә бүләкләү тантанасы үткәреләчәк. "Әдәби марафон" финалистларын бүләкләү белән беррәттән әлеге тантанада бу көнне X Дөньякүләм "Белем җәүһәрләре" файдалы татар интернет-проектлары бәйгесенең финалистларын да бүләкләү оештырылачак.
IX Дөньякүләм "Әдәби марафон" финалистларын тантанага чакыру турындагы мәкаләнең дәвамы...
Чыганак: http://tat-i.net/tt/node/170 | 
