Статистика
Онлайн барлыгы: 1
Кунаклар: 1
Кулланучылар: 0
Төп бит » 2017/2018 нче уку елы яңалыклары
Татарстан Республикасы Әтнә муниципаль районы Түбән Көек төп гомуми белем мәктәбе сайтының (http://tkoek.ucoz.ru) Интернет челтәрен гизә башлавына җиде ел булды.
...
Дәвамын укырга »
2018 нче елның 23 нче июнендә Түбән Көек төп гомуми белем мәктәбендә чыгарылыш кичәсе узды. Мәктәпне ун укучы тәмамлады . Аларның шатлыгын уртаклашырга тантанага укытучылары, әти-әниләре килде.
Түбән Көек төп гомуми белем мәктәбе коллективы чыгарылыш сыйныф укучыларын истәлекле көннәре белән ихлас котлый. Тормыш юлында үз урыннарын табуларын тели. Аларга армый-талмый алга барырга, куйган максатларын тормышка ашырырга язсын. Уңышлар юлдаш булсын сезгә, хәерле юллар!
...
Дәвамын укырга »
2018 нче елның 23 нче июне − Түбән Көек төп гомуми белем мәктәбе каршында ачылган «Йолдызчык» җәйге ял лагереның соңгы көне. Көндәгечә иртәнге линейка, зарядкадан соң инструктаж үткәрелде. «Зарарлы гадәтләр» дигән темага сәламәтлек минуты узды. Соңыннан тантаналы рәвештә Сабантуй бәйрәме башланып китте. Төрле уеннар җыр-биюләр белән бәйләнеп барды. Ахырдан балалар шашлык, гөбәдия белән сыйландылар. Иң соңыннан лагерьны ябу линейкасы үткәрелде, лагерь әләме төшерелде. Сау бул, лагерь...
...
Дәвамын укырга »
Лагерьның 20 нче көне «Хәтер көне» буларак үтеп китте. Иртәнге көндәлек шөгыльләрдән соң, бердәнбер сугыш ветераны Наҗия апа янына очрашуга киттек. Һәйкәлгә бардык, тирә-юнен чистарттык, чәчәкләр куйдык. Сугышта һәлак булган каһарманнарны бер минутлык тынлык белән искә алдык. Көннең икенче яртысында сугыш темасына кагылышлы җырлар башкардык, мәктәпнең туган як музеена экскурсия ясадык.
...
Дәвамын укырга »
Түбән Көек төп гомуми белем мәктәбе каршындагы «Йолдызчык» лагеренда ял итүче балалар бүген балалар сабантуе алдыннан бирнә җыйдылар. Алар үзләре кергән һәрбер йортта шигырь юллары аша үзләренең сабантуйга теләкләрен җиткерделәр.
...
Дәвамын укырга »
20 нче июнь дә килеп җитте. Лагерьда 18 нче көн «Музей көне» буларак билгеләп үтелде. Көндәгечә зарядка, линейкадан соң тәмләп кенә тамак ялгап алдык. Аннан соң инструктаж уздырдык. «Шәхси гигиена кагыйдәләре» дигән темага сәламәтлек минуты үтте. Соңыннан Иске Казан дәүләт тарих, мәдәният һәм табигать музей-тыюлыгына сәяхәткә кузгалдык. Балаларның беренче генә күрүләре иде. Бик кызыксынып тыңладылар, күзәттеләр. Үзләренә бик күп яңалык алдылар. Бүгенге көнебез дә бик истәлекле көн булды.
...
Дәвамын укырга »
2018 нче елның 19 нчы июне − Түбән Көек төп гомуми белем мәктәбе каршында ачылган «Йолдызчык» җәйге ял лагереның 17 нче көне. Бүгенге көн «Хезмәткә хөрмәт» исеме астында узды. «Ачышлар сәгате» кунагы Мөбәрәкшина Лилия Радик кызы икътисад турында сөйләде. Көннең икенче яртысында балалар машина-трактор паркында һәм фермада булып, андагы эшчеләрнең хезмәтләре белән таныштылар.
...
Дәвамын укырга »
2018 нче елның 18 нче июне − Түбән Көек төп гомуми белем мәктәбе каршында ачылган «Йолдызчык» җәйге ял лагереның 16 нчы көне. Бүгенге көн «Сәяхәтләр көне» буларак узды. Иртәнге линейка, зарядкадан соң инструктаж үткәрелде. Бүгенге көнне балалар күптәннән зарыгып көттеләр. Автобуска утырышып, җырлый-җырлый Ашыт буена юл тоттык. Балык тоттык, уха пешердек, төрле уеннар уйнарга да өлгердек. Ашыт буендагы кошларны, бөҗәкләрне, үсемлекләрне күзәттек. Бүгенге көн балаларның хәтерендә озак сакланыр.
...
Дәвамын укырга »
2018 нче елның 15 нче июне − Түбән Көек төп гомуми белем мәктәбе каршында ачылган «Йолдызчык» җәйге ял лагереның 15 нче көне. Бүгенге көн «Табигатьне саклау көне» буларак билгеләп үтелде. Көндәлек эшләрдән соң «яшел аптечка» турында әңгәмә узды. Балалар дару үләннәрен таныдылар, аларның әһәмиятен ачыкладылар. Соңыннан балалар Югары Көек авылына Габдуллаҗан абый урманына кузгалдылар. Аннан кайткач үсемлекләр һәм хайваннар турында викторина үткәрелде. Иң соңыннан табигый материаллардан төрле поделкалар ясадылар. Көнебез мавыктыргыч һәм искиткеч күңелле үтте.
...
Дәвамын укырга »
Лагерьда 14 нче көн – «Сәламәтлек көне». Иртәнге зарядка, линейка үткәннән соң, «Ачышлар сәгате»нә уздык. Информатикага алмашка математика фәне килде. Укытучы Мөбәрәкшина Лилия Радик кызы үзенең ачышларын «Могҗизалар кыры» уены аша башлап җибәрде. Балалар бик күп яңа белемнәр алдылар, үзләренең зирәклекләрен күрсәттеләр. Лагерьга ПДН хезмәткәрләре Гүзәлия һәм Илүзә апалары килгән иде. Алар укучыларга җәйге каникулда үтәлергә тиешле куркынычсызлык кагыйдәләре турында сөйләделәр. Шуннан соң спорт дөньясына кереп чумдык. «Спорт һәм сәламәтлек иле»нә сәяхәтне конкурс буларак ясадык. Конкурс 5 станциядән торды. Укучылар төрле конкурсларда бик актив катнаштылар. Соңыннан бәйрәмебез спорт турында викторина белән дәвам итте. Бүгенге көнебез дә балалар өчен бик тә кирәкле һәм кызыклы үтте.
...
Дәвамын укырга »
Лагерьның 13 нче көне «Очрашулар көне» буларак узды. Иртәбез һәрвакыттагыча зарядка, линейкадан башланып китте. Аннан соң «Игътибар – терроризм» темасына сәламәтлек минуты үткәрелде. «Ачышлар сәгате»нә кунакка информатика укытучысы Хисмәтуллин Илнур абыйлары чакырды. Укучылар ЛогоМиры программасында эшләргә өйрәнделәр. Икенче кунагыбыз җәмгыять белеме укытучысы Хәбибуллин Рамил абыйлары булды. Ул «Безнең якташлар» темасына чыгыш ясады. Соңыннан мәктәп темасына кагылышлы җырларга конкурс та үтте. Көнебез сизелми дә узып китте.
...
Дәвамын укырга »
Лагерьның бүгенге көне «Россия көне» буларак билгеләп үтелде. Иртәнге аштан соң төрле чаралар башланды. «Ачышлар сәгате» «Россиягә мәхәббәт белән» исеме белән үтте. Россиянең символлары кабатлап кителде. «Кем җиңүче булырга тели» уены үткәрелде. «Мин яратам сине, Россия» рәсем конкурсы узды.
...
Дәвамын укырга »
Лагерьның бүгенге көне дә бик мавыктыргыч үтеп китте. Иртәнге аштан соң «Ачышлар сәгате» башланды. Кунакларыбызның беренчесе – рус теле һәм әдәбияты укытучысы Фәтхрахманова Эльвера Мансур кызы булды. Укучылар «Колобок», «Курочка Ряба» әкиятләрен курчаклар ярдәмендә сәхнәләштерделәр. Икенче кунагыбыз информатика укытучысы Хисмәтуллин Илнур Рәхимҗан улы булды. Укучылар Paint программасында рәсемнәр ясадылар. Соңыннан «Көчле звено» исемендәге ярыш оештырылды. Көнебез бик тә файдалы шөгыльләр белән сизелми дә узды.
...
Дәвамын укырга »
Календарь
« Апрель 2024 » Д С Ч П Җ Ш Я 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
