 |
Бөек Җиңүнең 70 еллыгы уңаеннан, 2015 нче елның 8 нче маенда Түбән Көек авылы һәйкәле янында митинг булды. Анда сугыш һәм тыл ветераннары чакырылды. Түбән Көек урта гомуми белем бирү мәктәбе укучылары Җиңү көненә багышлап чыгыш ясадылар. Митинг һәйкәлгә венок кую белән тәмамланды. Соңыннан Җиңүнең 70 еллыгына багышланган тантаналы чаралар мәктәпнең актлар залында дәвам итте.
|
Хөрмәтле сайтыбыз кунаклары!
Түбән Көек урта гомуми белем бирү мәктәбе коллективы сезне Җиңү көне белән тәбрикли.
Бөек Ватан сугышы ветераннарына, тыл хезмәткәрләренә һәм аларның якыннарына исәнлек, бәхет, аяз күк йөзе, иминлек теләп кала.
Җиңү көне иң зур бәйрәм бит ул,
Дүрт күз белән зарыгып көткән көн.
Күпме кайгы, югалтулар аша
Илгә шатлык алып килгән көн.
Җиңү көне җиргә килгән саен,
Яфрак ярган саен бөреләр
Яу кырында калган ир-егетләр
Күңелләрдә кабат терелә.
Ап-ак чәчле әнкәй, җиңгиләр бит
Һаман көтә ирен, улларын.
Гомер буе әрни йөрәкләрдә
Яралары утлы елларның.
Бүген бәйрәм. Күздән яшь тамса да
Без бәхетле – аяз күгебез.
Саклап калсак иминлекне җирдә
Аяз булыр килер көнебез.
Радик Хәкимҗанов
Түбән Көек авылыннан сугышта һәлак булучылар
Югары Көек авылыннан сугышта һәлак булучылар
Яңа Шимбер авылыннан сугышта һәлак булучылар
Иске Шимбер авылыннан сугышта һәлак булучылар
Фотоальбом » Ветераннар | 
