Якшәмбе, 21.01.2018, 00:09
Сәламлибез Сезне Гость | RSS

Түбән Көек төп гомуми белем мәктәбе сайты

Сезнең фикер
Сайтка бәя бирегез
Барлык җаваплар: 4616
Статистика

Онлайн барлыгы: 1
Кунаклар: 1
Кулланучылар: 0
Санагыч
счетчик посещений скачать

Керү формасы
Язмалар архивы

Безнең музей

  Туган якны өйрәнү музее җитәкчесе тарих укытучысы Хәбибуллин Рамил Шамил улы.
 
МУЗЕЙ ТАРИХЫННАН
 
Яңа бинага күчү барышында, коллектив мәктәпнең бер кабинетын музей итеп җиһазлау турындагы фикергә килә. Барысының да бу эшкә теләге зур булгангамы, кыска гына вакыт аралыгында музейда бик күп материал туплана. Бу эшкә бар тырышлыкларын җыеп укытучылар, укучылар, мәктәп җитәкчелеге кереште. Һәрбер алып киленгән әйбер, фотография, кулъязмалар музейда үз урынын ала барды.  Авыл халкы да, балаларның ата-аналары да бу эштә читтә калмады. Борынгы фотографияләр, кул эшләнмәләре,  эш кораллары, борынгы кием-салымнар белән бергә музейда авылыбыз, районыбызга бәйле шәхесләр тормышы турындагы истәлекләр, шәҗәрәләр, кулъязмалар да урын алды.
Музей мәктәптә  иң изге урын дисәк, ялгышмабыз. Ул  безнең туган төбәгебез, халкыбызның тормыш бизәкләре генә саклана торган урын  түгел, монда – бабаларыбыз рухы, аларның яшәеш чагылышы, хыяллары. Музей мәктәптә укыту һәм тәрбия бирү процессында алыштыргысыз буын булып тора. Күренекле шәхесләр белән очрашулар, тәрбия сәгатьләре,  дәресләрнең  кайберләре музейда уза. Чөнки гаҗәеп бай стендлар, күргәзмә әсбаплар, аудио һәм видео язмалар бу дәрес һәм тәрбия сәгатьләрен тагын да эчтәлеклерәк, нәтиҗәлерәк итә.
Түбән Көек мәдрәсәсенә нигез салган Ногман байга, укучылар төзегән нәсел шәҗәрәләренә, Бөек Ватан сугышында катнашкан якташларыбызга,  Югары Көек авылы кешесе, Муса Җәлил белән концлагерьда бергә утырган Мусин Галимҗанга, үзебезнең төбәктән чыккан спорт мастерларына, көрәшчеләргә багышланган стендлар музейда урын алган. Болардан тыш,  язучыларның, күренекле шәхесләрнең музейга тапшырган истәлекле бүләкләре, автографлары булган китаплар, шәхси әйберләре дә музей түрендә. Музейның аерым бер өлешен  XVIII–XIX гасыр өе күренеше алып тора. Мондагы  бай  күргәзмә әсбап укучыларга бу чор тормышын җанлы итеп күз алдына китерергә ярдәм итә. Әйтерсең, өй хуҗалары әле генә өйдән чыгып киткәннәр. Һәр җиһаз үз урынында, тормыш өчен кирәкле барлык нәрсә дә күрсәтелгән. Халыкның ни белән шөгыльләнгәннәрен дә, нәрсә җитештергәннәрен дә бу экспонатларны карагач белергә була.
Мәктәпнең төбәкне өйрәнү музее борынгыны өйрәнү урыны гына түгел, ул үткән чорны бүгенге белән бәйли торган күзгә күренмәс күпер дә.  Әйтергә кирәк, укучыларга тәрбия һәм белем бирүдә аның өлеше гаять зур.
 
МУЗЕЙ КУНАКЛАРЫ
  • Татарстанның беренче Президенты Шәймиев Минтимер Шәрип улы.
  • 1998-2012 нче елларда Татарстан Республикасы буенча эчке эшләр министры, 2012-2013 нче елларда Татарстан Республикасы Премьер-министры урынбасары, 2013 нче елның 23 нче августыннан Татарстан Республикасы Президенты Аппараты җитәкчесе Сәфәров Әсгать Әхмәт улы.
  • Фатыйхова Нәкыя Фатыйх кызы (Сәфәров Әсгать Әхмәт улының әнисе).
  • Генерал-полковник Ачалов Владислав Алексеевич.
  • Шагыйрә, СССР Язучылар берлеге әгъзасы, Татарстанның атказанган сәнгать эшлеклесе Шакирҗанова Лена Галимҗан кызы.
  • Артистка, Г.Камал исемендәге Татар дәүләт академия театры  музее директоры, Татарстанның атказанган сәнгать эшлеклесе Шакирҗанова Луара Галимҗан кызы.
  • Адвокат, Татарстанның атказанган юристы, ТР адвокатлар коллегиясе әгъзасы Яхина Зөбәйдә Нургали кызы.
  • Тарих фәннәре кандидаты, Татарстанның атказанган мәдәният хезмәткәре, ТР Фәннәр академиясе Ш.Мәрҗәни исемендәге Тарих институтының Милли мәгариф тарихы һәм теориясе үзәгенең өлкән фәнни хезмәткәре Биктимерова Тәэминә Әхмәт кызы.
  • Философия фәннәре кандидаты, Россия дәүләт аграр читтән торып уку университетының (РГАЗУ) табигый ресурслар экспертизасы кафедрасы доценты Хисмәтуллина Йолдыз Рәхимҗан кызы.
  • Әтнә муниципаль районы хәкимияте башлыгы Хәкимов Габделәхәт Гыйлемхан улы.
  • Башлангыч сыйныф укытучылары өчен уздырылган регионара семинарда катнашучылар.
  • Әтнә районы мәктәп җитәкчеләре, укучылары.
  • Мәктәбебез укучылары.

 

Татарстан Республикасы Президенты Аппараты җитәкчесе
Сәфәров Әсгать Әхмәт улы

Генерал-полковник Ачалов Владислав Алексеевич
(13.11.1945-23.06.2011)


Мәктәп музеена кагылышлы башка фотоларны Фотоальбомнарның Туган якны өйрәнү музее бүлегеннән карый аласыз. Рәхим итегез!

Эзләү
Вакыт
Календарь
«  Гыйнвар 2018  »
ДСЧПҖШЯ
1234567
891011121314
15161718192021
22232425262728
293031
Тәрбия
Вакыт агышы
Бәйге
Белем җәүһәрләре-2014 V Бөтендөнья интернет-проектлар бәйгесе
Безнең баннер коды


Түбән Көек урта гомуми белем бирү мәктәбе сайты
Үткәндә калдылар
[18.06.2015][2014/2015 нче уку елы яңалыклары]
«Йолдызчык» мәктәп яны лагере: 16 нчы көн
[05.06.2015][2014/2015 нче уку елы яңалыклары]
«Йолдызчык» мәктәп яны лагере: 5 нче көн
[10.03.2014][2013/2014 нче уку елы яңалыклары]
«Созвездие-Йолдызлык-2014» эстрада фестиваленең район туры узды
[11.06.2016][2015/2016 нчы уку елы яңалыклары]
«Йолдызчык» җәйге ял лагере: 9 нчы көн
[06.02.2014][2013/2014 нче уку елы яңалыклары]
Кышкы Спартакиада ярышлары узды
[03.03.2017][2016/2017 нче уку елы яңалыклары]
Мәктәбебездә Бөтендөнья язучылар көне билгеләп үтелде
[14.02.2016][2015/2016 нчы уку елы яңалыклары]
Укучыларыбыз тыл ветераны белән очраштылар
[05.08.2015][2015/2016 нчы уку елы яңалыклары]
Түбән Көек урта гомуми белем бирү мәктәбе шау чәчәккә күмелде
[26.12.2015][2015/2016 нчы уку елы яңалыклары]
Якынлашып килүче Яңа ел белән!
[24.07.2016][2016/2017 нче уку елы яңалыклары]
Түбән Көек урта мәктәбе төп гомуми белем мәктәбе итеп калдырыла

Түбән Көек төп гомуми белем мәктәбе © 2018
Сделать бесплатный сайт с uCoz

Сайт 2011 нче елның июль аенда дөнья күрде. Мәктәпнең элеккеге сайты http://tkoek.narod.ru
Сайттагы материалларны файдаланган очракта, сайтка һәм материал авторына сылтама күрсәтү мәҗбүри.