Түбән Көек төп гомуми белем мәктәбе сайты

2017 нче елның 21 нче июне Түбән Көек төп гомуми белем мәктәбе каршындагы «Йолдызчык» ял һәм хезмәт лагеренда «Саубуллашу» көне буларак билгеләп үтелде. Лагерь тормышын күңелсез тонда тәмамламау өчен, бүген Сабантуй бәйрәме үткәрдек. Искиткеч күңелле булды ул! Пешекче Рауза апабыз коймак белән сыйлады. Бәйрәмгә бакча балаларын, авыл халкын да чакырдык. Иң элек котлау өлешендә балалар монтаж күрсәттеләр. Соңыннан уеннар дәвам итте. Бер үк вакытта җыр-биюләр дә туктап тормады. Ничек кенә күңелле булса да, лагерьдан таралышу вакыты да килеп җитте. Укучылар тәрбияче апаларга, пешекчеләргә, техник хезмәткәргә, физкультурник Дамир абыйларына чын күңелдән рәхмәтләрен җиткерделәр. Ура!

... Дәвамын укырга »

Түбән Көек төп гомуми белем мәктәбе каршындагы «Йолдызчык» ял һәм хезмәт лагереның 20 нче көне аеруча дулкынландыргыч вакыйгаларга бай көн булды. Көннең болытлап торуы да безгә күңелсезләнергә ирек бирмәде. Иртәнге аштан соң, Түбән Көек авылыннан Сабантуйга бирнә җыю йоласын үтәдек. Алдан ук «сөрән салу» сүзләрен өйрәндек. Авыл буйлап йөргәндә җырлар да башкардык, биеп тә халыкны сөендердек.

... Дәвамын укырга »

Түбән Көек төп гомуми белем мәктәбе каршындагы «Йолдызчык» ял һәм хезмәт лагеренда 19 нчы июнь көне дә бик файдалы һәм күңелле үтте. Экология елы уңаеннан, «Әйләнә-тирәне чүп-чардан арындыр» дигән шигарә астында, төрле әйбер калдыкларыннан муенса, беләзек, йөзекләр ясадык. Лагерь ябылуга әзерлек эшләре алып бардык: җырлар, биюләр өйрәндек.

... Дәвамын укырга »

2017 нче елның 18 нче июне Түбән Көек төп гомуми белем мәктәбе каршында ачылган «Йолдызчык» ял һәм хезмәт лагеренда «Күңелле уеннар» көне буларак истә калды. Бүген төрле кызыклы яңа уеннар уйнадылар. Шулай ук мәктәп бакчасында эшләргә дә вакыт табылды.

... Дәвамын укырга »

2017 нче елның 17 нче июне «Йолдызчык» ял һәм хезмәт лагеренда «Талантлар көне» исеме астында кызыклы һәм файдалы үтте. «Берүзем өйдә» дигән куркынычсызлык минуты үткәрелде. «Алло, без талантлар эзлибез!» исеме астында кул эшләре күргәзмәсенә төрле әйберләр эшләнде, концерт номерлары башкарылды. Саф һавада уеннар уйналды.

... Дәвамын укырга »

Түбән Көек төп гомуми белем мәктәбе каршындагы «Йолдызчык» ял һәм хезмәт лагеренда 16 нчы июнь «Спорт көне» исеме астында узды. Бу көнне балалар спорт турындагы табышмакларга җаваплар таптылар, мәкальләр ишеттеләр, «Файдалы-зыянлы» дигән уен уйнадылар. Ә аннан соң спортзалда төрле спорт ярышлары оештырылды.

... Дәвамын укырга »

2017 нче елның 15 нче июне Түбән Көек төп гомуми белем мәктәбе каршында ачылган «Йолдызчык» ял һәм хезмәт лагеренда «Эзтабарлар көне» исеме астында кызыклы һәм файдалы үтте. «Табигатьтә үзеңне ничек тотарга?» дигән сәламәтлек минуты үткәрелгәннән соң экскурсиягә чыгып киттеләр. Анда хәрәкәт маршруты буенча компас ярдәмендә урында ориентлашырга өйрәнделәр. Шулай ук төрле кызыклы уеннар уйнадылар. Табигатьнең матурлыгына сокланып һәм үзләренә кирәкле бик күп мәгълүмат алып кайттылар.

... Дәвамын укырга »

2017 нче елның 14 нче июне «Йолдызчык» ял һәм хезмәт лагеренда «Фантазия һәм юмор көне» исеме астында бик күңелле үтте. «Көлү – иң яхшы дару» исеменә әңгәмә үткәрелде. «Бу кызыклы хайваннар» исемендә конкурс оештырылды, кызлар командасы җиңү яуладылар. Шулай ук күңелле спорт ярышлары булды. Соңыннан мәктәп бакчасында бик тырышып эшләдек.

... Дәвамын укырга »

2017 нче елның 13 нче июнендә «Йолдызчык» ял һәм хезмәт лагеренда Хәтер көне уңаеннан чаралар узды. Авылыбыз уртасында Бөек Ватан сугышында һәлак булган авылдашларыбызга куелган һәйкәл янында булдык. Шулай ук тыл ветераннары Шакирова Гөлшәһәр апа, Бәйрәмова Банат апа, Шәйхиева Нурания апалар белән очраштык. Үзебезне кызыксындырган сорауларны бирдек, алар бик теләп җавап бирделәр. Ә обедтан соң һәрберебез үзебезнең велосипедларыбыз белән билгеле вакытка төрле күнегүләр башкардык.

... Дәвамын укырга »

2017 нче елның 12 нче июнендә «Йолдызчык» ял һәм хезмәт лагеренда Россия көне уңаеннан чаралар узды. Укучылар төсле кәгазьләрдән Россия символларын ясадылар. Бәйрәм уңаеннан флешмоб үтте. Шулай ук укучылар арасында шахмат ярышы узды.

... Дәвамын укырга »