Түбән Көек төп гомуми белем мәктәбе сайты

2025 нче елның 15 нче августында үзенең 38 ел гомерен балаларга белем һәм тәрбия бирүгә багышлаган ветеран укытучы Фазылҗанова Зәйтүнә Фазылҗан кызы бер гасырлык юбилеен билгеләп үтә.

«Түбән Көек төп гомуми белем мәктәбе» муниципаль бюджет гомуми белем учреждениесе коллективы Сезне ихлас күңелдән туган көнегез – матур юбилеегыз белән тәбрик итә. Сезгә көтелмәгән куанычлар, бәрәкәтле озын гомер, бәхет-шатлыклар, җан тынычлыгы, тән сихәте, саулык-сәламәтлек тели.
 

2025 нче елның 28 нче июнендә Түбән Көек төп гомуми белем мәктәбендә чыгарылыш кичәсе узды. Мәктәпне дүрт укучы тәмамлады. Аларның шатлыгын уртаклашу өчен тантанага белем һәм тәрбия биргән укытучылары, әниләре килде.

Түбән Көек төп гомуми белем мәктәбе коллективы чыгарылыш сыйныф укучыларын истәлекле көннәре белән ихлас котлый. Тормыш юлында үз урыннарын табуларын тели.
Аларга армый-талмый алга барырга, куйган максатларын тормышка ашырырга язсын. Уңышлар юлдаш булсын сезгә, хәерле юллар!

Бөек Ватан сугышында Җиңүнең 80 еллыгына багышланган «Сугыш чоры балалары» муниципаль видеороликлар конкурсында укучыларыбызның уңышлары:

8 нче сыйныф укучылары – «Коллектив эш» номинациясендә 1 нче урын (җитәкчесе – Мөбәрәкшина Л.Р.),
Шиһапова Ф. – 1 нче урын (җитәкчесе – Абдуллина Г.Г.),
Рәхмәтуллина – 2 нче урын (җитәкчесе – Мөбәрәкшина Л.Р.),
Хәкимова А. – 2 нче урын (җитәкчесе – Фәтхрахманова Э.М.),
Фәйзиев – 3 нче урын (җитәкчесе – Хәбибуллин Р.Ш.).

Хөрмәтле укытучылар, укучылар һәм аларның әти-әниләре!

Түбән Көек төп гомуми белем мәктәбе коллективы сезне «Соңгы кыңгырау» бәйрәме белән тәбрикли.

Чыгарылыш сыйныф укучыларына шатлык-сөенечләр, зурдан-зур уңышлар, бәхет, дәүләт имтиханнарын бик яхшы билгеләргә биреп, теләгән уку йортларына керүләрен тели.

Бөек Җиңүнең 80 еллыгы уңаеннан, 2025 нче елның 8 нче маенда Түбән Көек авылындагы сугыш елларында һәлак булган сугышчылар хөрмәтенә куелган һәйкәлгә венок куелды, кайткан кунаклар тарафыннан чәчәкләр салынды. 1941-1945 нче еллардагы Бөек Ватан сугышында Җиңүнең 80 еллыгына багышланган тантаналы чара мәктәпнең актлар залында үтте. Анда тыл ветераннары, укучылар, укытучылар коллективы, авыл халкы һәм кайткан кунаклар катнашты.

Сугыш елларында һәлак булучыларны искә алу чаралары бүген Югары Көек, Яңа Шимбер һәм Иске Шимбер авылларында да узды.