Хөрмәтле татар әдәбиятын сөючеләр!

XXXI #ӘдәбиМарафон тәмам һәм аның нәтиҗәләре белән танышыр вакыт та җитте. 

2025 елның апрель аенда үткәрелгән әдәби марафонда катнашырга теләк белдереп 1879 гариза кабул ителде. 

Проектта катнашучылар 21 көн дәвамында ВКонтакте социаль челтәрендә үзләре укыган әдәби әсәрләрдән/китаплардан #ӘдәбиМарафон хэштегы белән 35 меңнән артык өзек урнаштырдылар.

Проектта Италия белән Төркиядән, Россиянең 21 төбәгеннән, Татарстанның 42 районыннан һәм Казан белән Яр Чаллы шәһәрләреннән катнашты - 1600 дән артык китап укучы XXXI #ӘдәбиМарафон проектының финалисты/җиңүчесе булуга иреште.  ... Дәвамын укырга »

2024 елда гражданлык җәмгыятен үстерүгә Татарстан Республикасы Рәисе гранты ярдәмендә агымдагы елның март аенда Интернет челтәрендә «Авылым гүзәллеге» («Великолепие села») проекты үткәрелде. Проектның максаты -  татар авыллары халкы арасында милли мирасны һәм халык иҗатын популярлаштыру. Әлеге марафоннар фестивалендә үзләренең туган җирләренең мәдәни мирасын саклау һәм аларны таныту белән кызыксынган 216 кеше катнашты.

Катнашучылар әзерләгән материалларны Ләбиб Лерон, Рамазан Кәбиров, Нәзирә Гыйззәтуллина, Эльвира Садреева, "Ирек мәйданы", "Сөембикә" һәм "Идел" журналы белгечләре бәяләде. Барлык эшләр арасыннан 168 кеше 6 тематик юнәлештә проектның финалисты һәм җиңүчесе буларак билгеләнде.  ... Дәвамын укырга »

Бу атнада «Күңелем сәйләннәре» III төбәкара онлайн шигырь укучылар бәйгесенең җиңүчеләре билгеле булды - бәйгенең жюри әгъзалары Казан шәһәре Киров районының «Билингваль катнаш төрдәге 7 нче номерлы балалар бакчасы»нда бәйгегә килгән эшләрне бәяләделәр.

Белгәнегезчә, бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту.  ... Дәвамын укырга »

2024 елда гражданлык җәмгыятен үстерүгә Татарстан Республикасы Рәисе гранты ярдәмендә бүген Интернет челтәрендә «Авылым гүзәллеге» («Великолепие села») проекты башланып китте. Проект татар авыллары халкы арасында милли мирасны һәм халык иҗатын популярлаштыру максатыннан үткәрелә. Фестивальдә туган җирләренең мәдәни мирасын саклау һәм аларны таныту белән кызыксынган һәркем катнаша ала.  ... Дәвамын укырга »

Бүген Татарстан Республикасы Иҗтимагый палатасының конференцияләр залында IV Россиякүләм "Тел, җәмгыять һәм мәгълүмати технологияләр" конференциясенең пленар утырышы үткәрелде (Фоторепортаж). Конференция Татарстан Республикасы Мәгариф һәм фән министрлыгы, Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы, Татарстан Республикасы Фәннәр Академиясенең Галимҗан Ибраһимов исемендәге Тел, әдәбият һәм сәнгать институты һәм Татарстан Республикасы Иҗтимагый палатасы ярдәмендә «Белем.ру» җаваплылыгы чикләнгән җәмгыяте, «Татнетны үстерү фонды» коммерцияле булмаган оешмасы, Казан шәһәренең 16 нчы татар-инглиз гимназиясе тарафыннан Халыкара туган тел көне уңаеннан мәгълүмати һәм цифрлы технологияләр үсеше шартларында заманча җәмгыять, мәдәният һәм телләр проблемаларын тикшерү, чишелеш юлларын табу үткәрелә.  ... Дәвамын укырга »

2024 елда гражданлык җәмгыятен үстерүгә Татарстан Республикасы Рәисе гранты ярдәмендә «Татнетны үстерү фонды» коммерцияле булмаган оешмасы «Авылым гүзәллеге» («Великолепие села») марафоннар фестиваленә гаризалар кабул итүне башлап җибәрә!

Проект татар авыллары халкы арасында милли мирасны һәм халык иҗатын популярлаштыру максатыннан үткәрелә. Фестивальдә туган җирләренең мәдәни мирасын саклау һәм аларны таныту белән кызыксынган һәркем катнаша ала.  ... Дәвамын укырга »

Хөрмәтле китап укучылар, татар әдәбиятын сөючеләр һәм уңышка ирешергә омтылучылар!

2025 елның беренче көнен күпләр кулларына татар китап-журналларын тотып каршы алдылар. Һәм Татарстан Республикасында гына түгел, ә Россия күләмендә! Кулга татарча китап алып каршы алучылар арасында Төркия, Италия, Үзбәкстаннан да татарлар булды. Һәм бу бик яхшы күренеш!

Шул рәвешле XXX #ӘдәбиМарафон проектында 4 илдән, Россиянең 18 төбәгеннән, Татарстан Республикасының 44 районы һәм шәһәрләреннән әдәбият сөючеләр катнашты.  ... Дәвамын укырга »

Хөрмәтле шигърият яратучылар!

Бүген Татнетны үстерү фонды белән партнерлыкта «Алтын хыял» оештырган «Күңелем сәйләннәре» III төбәкара онлайн шигырь укучылар бәйгесенә старт бирелә. Әлеге бәйге Россия төбәкләрендә яшәүче 3 яшьтән 7 яшькә кадәр балалар арасында үткәрелә.  ... Дәвамын укырга »

Хөрмәтле әдәбият сөючеләр һәм интернет-кулланучылар!

Бүген бик күпләр яратып катнаша торган XXX "Әдәби марафон" проекты старт алды.

Әлеге проект 2017 елдан башлап елга 4 тапкыр (гыйнвар, апрель, июль, октябрь айларында) үткәрелә һәм китап укучылар белән язучылар арасында араларны якынайта.  ... Дәвамын укырга »

2024 елның 22 ноябрендә Казан шәһәрендә Идел буе физик культура, спорт һәм туризм университетының (Казан, Универсиада авылы, 35) зур концертлар залында гөрләтеп "Әдәби марафон - 2024" проекты финалистларын бүләкләү тантанасы үтте. Тантанага финалистларны котларга Татарстан Республикасы Мәгариф һәм фән министрлыгы, Татарстан Республикасы Мәдәният министрлыгы, Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы җитәкчелеге дә килгән иде, алар, истәлекле бүләкләрдән тыш, үз министрлыклары исеменнән рәхмәт хатлары да тапшырдылар. Бүләкләүгә проектның партнерлары да кушылды, алар тантанага үз бүләкләрен алып килгәннәр иде.  ... Дәвамын укырга »