Сез Татарстан Республикасының Әтнә районында урнашкан Түбән Көек төп гомуми белем мәктәбенең сайтына кердегез. Безнең сайт битләрендә Сезне күрүебезгә бик шатбыз. Сайт буенча Сез мәктәпнең тарихы, тормышы, уңышлары, укытучылары белән таныша аласыз. Рәхим итегез!
Түбән Көек мәктәбе тарихындагы төп этаплар
1908 нче ел – ирләр һәм хатын-кызлар мәдрәсәсе.
1917–1933 нче елларда башлангыч белем бирү мәктәбе.
1933 нче елдан тулы булмаган урта мәктәп.
1934/1935 нче уку елыннан 7 еллык беренче чыгарылыш.
1956 нчы елны мәктәп бинасы бер урыннан икенче урынга күчереп салына.
1957 нче ел
1962/1963 нче уку елыннан сигезьеллык мәктәп.
1963 нче ел – мәктәп директоры итеп Әхмәдуллин Ингел Мәхмүт улы билгеләнә.
1971 нче елны башлангычлар өчен бина төзелә.
1991/1992 нче уку елыннан урта мәктәп.
1994 нче ел – мәктәп директоры итеп Җәләлиев Мәсгут Мәхмүт улы билгеләнә.
1994/1995 нче уку елыннан Әйшияз авылы укучылары кабат Түбән Көек урта мәктәбендә укый башлыйлар.
Июль, 2000 нче ел – мәктәп директоры итеп Галиәхмәтов Дамир Мулланур улы билгеләнә.
1 нче март, 2004 нче ел – спортзал, остаханә һәм ашханә урнашкан ике бина янып бетә.
2008/2009 нчы уку елыннан Югары Көек авылы укучылары Түбән Көек урта мәктәбендә укый башлыйлар.
Декабрь, 2008 нче ел – мәктәп директоры итеп Кадимова Сөмбел Мулланур кызы билгеләнә.
6 нчы декабрь, 2008 нче ел – Түбән Көек авылында мәктәпне үз эченә алган социаль үзәк ачыла.
2011 нче ел – куст мәктәпләр булып торган Әйшияз һәм Югары Көек башлангыч мәктәпләре ябыла.
Әйшияз башлангыч мәктәбе
Югары Көек башлангыч мәктәбе
1994/1995 нче уку елыннан 2010/2011 нче уку елына кадәр Әйшияз башлангыч мәктәбе һәм 2008/2009 нчы уку елыннан 2010/2011 нче уку елына кадәр Югары Көек башлангыч мәктәбе куст мәктәпләре булып тордылар. Бу елларда Әйшияз башлангыч мәктәбендә Шакирова Венера Илгизәр кызы, Исмәгыйлева Фәрдия Илгиз кызы, Нәҗипова Зөлфия Наил кызы һәм Югары Көек башлангыч мәктәбендә Марапова Гөлшат Харис кызы, Фәйзиева Гөлнур Әхәт кызы укучыларга белем һәм тәрбия бирделәр. Соңгы 2010/2011 нче уку елында Әйшияз башлангыч мәктәбендә Шакирова Венера Илгизәр кызы дүрт баланы, ә Югары Көек башлангыч мәктәбендә Марапова Гөлшат Харис кызы һәм Шәрипова Ләйсәния Сәләхетдин кызы биш баланы укыттылар.
2011/2012 нче уку елыннан Әйшияз һәм Югары Көек авылларының башлангыч сыйныф укучылары Түбән Көек урта гомуми белем бирү мәктәбендә укый башлыйлар.
* Мәктәп ачылуга 5 ел булу уңаеннан, 2013 нче елның 7 нче декабрендә Түбән Көек урта гомуми белем бирү мәктәбе укучылары тарафыннан концерт-тамаша куелды
** Социаль үзәк ачылуга ун ел тулды
** Мәктәбебезнең ачылуына 10 ел тулу уңаеннан, 2018 нче елның 8 нче декабрендә Түбән Көек төп гомуми белем мәктәбендә «Бер күрешү − бер гомер» исемле очрашу кичәсе үткәрелде
Түбән Көек төп гомуми белем мәктәбе коллективы укучыларга ныклы белем, күнекмәләр һәм тәрбия бирү, аларның иҗади сәләтләрен үстерү юнәлешендә тырышып эшли. Коллективның максаты - җирле мөмкинлектән чыгып, тарихи бәйләнешләр аша укыту-тәрбия процессын камилләштерү, укучыларны туган як мәдәниятенә якынайтып, иҗади сәләтле, сәламәт шәхес тәрбияләү. Аларга тормышта үз урыннарын табарга ярдәм итү.
Мәктәбебезне алтын һәм көмеш медальгә бетерүче укучыларыбыз да бар. 1996 нчы елда Хисмәтуллина Йолдыз алтын медальгә тәмамлады. 2002 нче елда алтын медальгә Газизов Илгизәр һәм көмешкә Әхмәтгалиева Эльмира тәмамладылар. 2007/2008 нче уку елын 11 нче сыйныф укучысы Кәримуллина Рәзинә көмеш медальгә тәмамлады. 2014/2015 нче уку елын 11 нче сыйныф укучысы Кадимова Надия алтын медальгә тәмамлады.
