2017 нче елның 4 нче декабрендә Түбән Көек төп гомуми белем мәктәбендә мәктәп һәм авыл китапханәчеләре Шәрәфиева Гөлфия, Әхмәдуллина Эльмира тарафыннан Татарстанның халык шагыйре, публицист, җәмәгать эшлеклесе, Татарстанның Габдулла Тукай исемендәге дәүләт премиясе иясе якташыбыз Сибгат Хәкимнең (Хәкимов Сибгат Таҗи улы) туган көне уңаеннан «Туган як – мәңгелек моңым» дип исемләнгән әдәби чара уздырылды. Чарада укучылар шагыйрьнең тормыш юлы, иҗат казанышлары белән таныштылар. Шагыйрьнең үз тавышы белән сөйләгән аудиоязма тыңланды, презентация күрсәтелде, күргәзмә оештырылды.

... Дәвамын укырга »

2017 нче елның 30 нчы ноябрендә Түбән Көек төп гомуми белем мәктәбенең 9 нчы сыйныф укучылары белән (сыйныф җитәкчесе Мөбәрәкшина Лилия Радик кызы) «Бөтенроссия ВИЧ-инфекциягә каршы көрәш» акциясе кысаларында «Взаимопомощь. Искренность. Человечность» дип аталган тәрбия сәгате үткәрелде.

... Дәвамын укырга »

2017 нче елның 29 нчы ноябрендә Түбән Көек төп гомуми белем мәктәбендә шәфкатьлелек ярминкәсе үтте. Укучылар шул рәвешле шәфкатьлелек марафонына үз өлешләрен керттеләр. Һәр сыйныф өйдә пешкән ризыклар белән сату итте. Ярминкә, гадәттәгечә, әниләребездән башка узмады. Балаларына теләктәшлек белдереп ярдәм иткәннәре өчен әниләргә рәхмәт.

... Дәвамын укырга »

9 нчы декабрь – Халыкара коррупциягә каршы көрәш көне якынлашу уңаеннан, Түбән Көек төп гомуми белем мәктәбе һәм авыл китапханәсендә күргәзмә эшләп куелды.

... Дәвамын укырга »

Әни, әнием, әнкәй! Кадерләп, назлап әйтәбез, күңелебездәге бөтен рәхмәтне шушы гади сүзгә салабыз, һәрвакыт яныбызда булган, уңышларыбыз өчен шатланып, кайгыларыбызны уртаклашып яшәгән әниебезгә дәшәбез. Бүген Әниләр көне уңаеннан Түбән Көек төп гомуми белем мәктәбендә «Сәлам юллыйм!» дигән кичә булды. Кичәдә укучылар әниләренә үзләренең чыгышларын ясадылар һәм күңел җылысы биреп ясаган чәчәк букетларын бүләк иттеләр. Бәйрәм телевизион тапшыру буларак алып барылды. Укучылар белән беррәттән, кичәбездә кадерле әниләребез дә үзләренең һөнәрләрен күрсәттеләр. Бәйрәмне оештырган укытучыларга һәм укучыларга зур рәхмәт.

... Дәвамын укырга »

2017 нче елның 24 нче ноябрендә Әтнә районы мәктәпләре арасында XII Спартакиада кысаларында үткәрелгән баскетбол ярышында Түбән Көек төп гомуми белем мәктәбенең кызлар командасы III урын алды.

... Дәвамын укырга »

Галиәхмәтов Дамир Мулланур улы җитәкчелегендә укучыларыбыз спортта гел уңышлар белән сөендереп торалар. Чираттагы җиңүне өстәл теннисы буенча бәйгедә яуладылар. 2017 нче елның 17 нче ноябрендә Түбән Көек төп гомуми белем мәктәбе укучылары командасы 2 нче урынга лаек булды. Укучыларыбыз Кадыйров II, Нуриев III, Әхмәдуллина III, Сафина IV урыннарны алдылар. Без булдырабыз!

... Дәвамын укырга »

2017 нче елның 10 нчы ноябрендә узган XII Спартакиадада бадминтон ярышы буенча Әтнә районы төп мәктәпләре арасында Түбән Көек төп гомуми белем мәктәбе укучылары командасы 1 нче урын алды һәм кубок белән бүләкләнде. Укучыларыбыз Нуриев I, Кадимов II, Мөхәммәтгалиева II, парлы уеннарда Нуриев һәм Кадимов I, Мөхәммәтгалиева һәм Әхмәдуллина I урыннарны алдылар.

... Дәвамын укырга »

Рус теле буенча үткәрелгән олимпиадада Түбән Көек төп гомуми белем мәктәбе укучылары Йосыфов (укытучысы Фәтхрахманова Эльвера Мансур кызы) һәм Аскаров (укытучысы Кадимова Сөмбел Мулланур кызы) призер булдылар. Чын күңелдән котлыйбыз, уңышлар телибез!

... Дәвамын укырга »

2017 нче елның 28 нче октябрендә Әтнә районы мәктәпләре арасында XII Спартакиада кысаларында уздырылган классик шахмат буенча бәйгедә Түбән Көек төп гомуми белем мәктәбе укучысы Габдрахманов I урын яулады. Мәктәп командасы төп гомуми белем мәктәпләре арасында III урын алды.

... Дәвамын укырга »

2017 нче елның 27 нче октябрендә Түбән Көек төп гомуми белем мәктәбе китапханәсендә Татарстан Республикасы Конституциясен кабул итү көненә багышланган күргәзмә оештырылды.

... Дәвамын укырга »

2017 нче елның 26 нчы октябрендә Түбән Көек төп гомуми белем мәктәбендә «Көзге бал» бәйрәме булды. Һәр сыйныф көзге уңыштан композиция ясады һәм аны яклады. Композицияләр карап бәяләнгәч, бәйрәм күңелле конкурслар белән дәвам итте. Бәйгеләрдә укучылар белән беррәттән укытучылар да ярышты. Ә иң соңыннан дискотека булды.

... Дәвамын укырга »

2017 нче елның 24 нче октябрендә Түбән Көек төп гомуми белем мәктәбенең 5-8 нче сыйныф укучылары өчен тарих һәм җәмгыять белеме укытучысы Хәбибуллин Рамил Шамил улы тарафыннан «Законнар кайда туа?» темасына Парламент дәресе – 2017 үткәрелде.

... Дәвамын укырга »