XXVII Әдәби марафон тәмам, әдәби марафонның яңа финалистлары билгеле һәм әдәби әйдаманнарның башкарган хезмәтен бәяләргә вакыт җитте. Аларның хезмәтен түбәндәге мәгълүмат бәяли ала. 1-21 апрель көннәрне үткәрелгән XXVII Әдәби марафон проектында катнашырга теләк белдереп 1840 гариза кабул ителде һәм 1600 дән артык әдәби марафончы проектның финалына кадәр барып җитә алды.
Әдәби марафонда АКШ, Италия, Төркия һәм Швециядән, Россиянең 16 төбәгеннән һәм Татарстан Республикасының 40 районыннан, Казан һәм Яр Чаллы шәһәрләреннән катнашучылар проектның финалистлар исемлегенә кертелделәр. 

XXVII Әдәби марафон барышында 21 көн дәвамында ВКонтакте социаль челтәрендә һәм Миллион татар милли проектында язучыларның һәм шагыйрьләрнең әсәрләреннән татар телендә 35 меңгә якын өзеге дөнья күрде. Китапханәләрдә китап укучылар саны арту буенча әлегә рәсми мәгълүмат юк, әмма интернет-операторлар Интернет челтәрендә татарча китап укучылар саны арта баруын инде билгеләп үттеләр.  ... Дәвамын укырга »

Хөрмәтле китап сөючеләр һәм алга куйган максатларына ирешергә омтылучылар!

Сезне яңа сезондагы XXVII #ӘдәбиМарафон нәтиҗәләре белән таныштырабыз. XXVII #ӘдәбиМарафон проекты катнашучыларга бик бай булды - анда Татарстан Республикасы районнарыннан гына түгел, Россия Федерациясенең 15 тәбәгеннән һәм әле тагын 4 илдән әдәбият сөючеләр катнашты.

Проектта катнашырга теләк белдереп 1800 дән артык кеше гариза тапшырган иде һәм 1600 гә якын кеше проектның финалына барып ирешә алды! Әлеге финалистларны чын күңелдән котлыйбыз!  ... Дәвамын укырга »

Бүген әдәби марафон проекты әдәби әйдаманнары Лаеш районы Имәнкискә авылы мәдәният сараенда үткәрелгән "Китаплы юл" дип исемләнгән әдәби тематик кичәдә катнаштылар.

Әлеге әдәби кичәнең төп сәбәпчесе - Лаеш районының лаеклы мәдәният хезмәткәре, әдәби марафончы Гүзәл Галләмова. Ул хәзер әдәби марафончы гына да түгел, ә ЯЗУЧЫ дигән лаеклы исем йөртә - күптән түгел аны Татарстан Язучылар берлегенә кабул иттеләр һәм аңа тантаналы төстә язучы таныклыгын тапшырдылар.  ... Дәвамын укырга »

Бүген Татнетны үстерү фонды Татарстан язучылар берлеге белән берлектә һәм күп санлы партнерлар белән бергә XXVII #ӘдәбиМарафон проектына старт бирә. Әлеге марафонның яңалыгы һәм үзенчәлеге - әдәби марафончылар яңа ачылган "Миллион татар" милли проекты (https://million.tatar) кысаларында да әдәби марафон проектында катнаша алалар.

Әдәби марафонда катнашу өчен гариазалар бүген 23:30 сәгатькә кадәр проектның рәсми берләшмәсендә ВКонтакте социаль челтәрендә кабул ителә: https://vk.com/adabimarathon. Проектта катнашырга теләүчеләргә әлеге берләшмәгә керергә һәм беркетелгән язмада (https://vk.com/wall-143856908_22261) катнашырга теләк белдерергә кирәк. Һәр әдәби марафончы үзенә әдәби әйдаман сайлый ала.  ... Дәвамын укырга »

Бүген, 28 мартта, Татнетны үстерү фонды катнашында, Казан шәһәре Киров районының «Билингваль катнаш төрдәге 7 нче номерлы балалар бакчасы» мәктәпкәчә муниципаль бюджет белем бирү учреждениесенең актлар залында «Күңелем сәйләннәре» II төбәкара онлайн шигырь укучылар бәйгесенең финалистларын бүләкләү тантанасы үтте. Моннан ике атна элек, 14 мартта, бәйгегә нәтиҗәләр ясалган иде. Бүген исә, конкурсның гран-при ияләре һәм җиңүчеләре бүләкләү тантанасында үз иҗатлары белән таныштырдылар һәм берсеннән-берсе матур чыгышлар ясадылар.  ... Дәвамын укырга »

Кичә, 24 нче мартта XXVII Дөньякүләм «Әдәби марафон» проектына гаризалар кабул итү ачылды: https://vk.com/wall-143856908_22261.

Әдәби марафонда катнашучылар 58 әдәби әйдаман арасыннан үз әйдаманнарын сайлый һәм алар "канаты астында" 21 көн дәвамында Әдәби марафон проектында уңышлы катнаша алачаклар.  ... Дәвамын укырга »

Бүген «Күңелем сәйләннәре» II төбәкара онлайн шигырь укучылар бәйгесенә нәтиҗәләр ясалды. 

Бәйгенең максаты: мәктәпкәчә яшьтәге балаларның, аларны тәрбияләүче педагогларның һәм балаларның ата-аналарының иҗади мөмкинлекләрен ачуга ярдәм итү, татар теленә, әдәбиятка, шигърияткә кызыксыну уяту. Бәйгедә 3 яшьтән алып 7 яшькә кадәр яшь аралыгында мәктәпкәчә белем оешмаларында тәрбияләнүчеләр катнашты.  ... Дәвамын укырга »

Бүген, 2 нче мартта, Казан шәһәренең "Дворянское гнездо" ресторанында VII #ТәмлеМарафон финалистларын бүләкләү тантанасы үткәрелде. Әлеге чара күренекле татар аш-су остасы Юныс Әхмәтҗан улы Әхмәтҗановның туган көне (28.02.1927) уңаеннан 1 атна дәвамында (21-27 февраль көннәрне) үткәрелгән иде. Араның ерак булуына карамастан, тантанада Башкортостан һәм Чувашия республикаларыннан, Киров өлкәсеннән, Татарстанның ерак районнарыннан да финалистлар катнашты. Күп кенә катнашучыларның проектта гаиләләре белән катнашулары һәм тантанага гаиләләре белән килүләре дә быел матур күренеш иде.  ... Дәвамын укырга »

Хөрмәтле аш-су осталары һәм татар милли ризыкларын хуш иткән интернет-кулланучылар!

Без бүген күренекле татар аш-су остасы Юныс Әхмәтҗан улы Әхмәтҗановның туган көне (28.02.1927) уңаеннан 1 атна дәвамында (21-27 февраль көннәрне) үткәрелгән VII #ТәмлеМарафон проектына нәтиҗәләр ясадык һәм финалистларны билгеләдек. 

Проектта катнашучылар саны артты - "Тәмле марафон"да катнашырга быел 90 кеше теләк белдерде һәм аларның күпчелеге финалга барып җитә алды. Узган (алтынчы) "Тәмле марафон" проектында башка төбәкләрдән нибары 2 генә кеше катнашкан булса, бу юлы башка төбәкләрдән катнашучылар саны 10 га җитте (5 төбәктән аш-су осталары катнашты).  ... Дәвамын укырга »

16-17 февральдә Казанда «Тел, җәмгыять һәм мәгълүмати технологияләр» III Россиякүләм фәнни-гамәли конференциясе үтте. Конференция Татарстан Республикасы Мәгариф һәм фән министрлыгы, Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы һәм Татарстан Республикасы Иҗтимагый палатасы ярдәмендә, Бөтендөнья татар конгрессы катнашында, «Белем.ру» җаваплылыгы чикләнгән җәмгыяте, Белем Академиясе, «Татнетны үстерү фонды» коммерцияле булмаган оешмасы, Казан шәһәренең 16 нчы татар-инглиз гимназиясе тарафыннан үткәрелде.  ... Дәвамын укырга »