2016 нчы елның 23 нче сентябрендә Түбән Көек төп гомуми белем мәктәбенең башлангыч сыйныф укучылары тарафыннан мәктәп күләмендә «Сөмбелә» бәйрәме уздырылды. Укучылар биеделәр дә, җырладылар да, Сөмбеләнең сорауларына да җавап бирделәр. Бәйрәмнән барысы да күтәренке кәеф белән таралдылар.

2016 нчы елның 22 нче сентябрендә Түбән Көек төп гомуми белем мәктәбендә белем алучы 9 нчы сыйныф укучыларының ата-аналары белән җыелыш уздырылды. Анда имтиханнардагы үзгәрешләр һәм укучыларның әзерлекләре турында сөйләшенде. 

2016 нчы елның 21 нче сентябрендә Түбән Көек төп гомуми белем мәктәбендә Халыкара тынычлык көне үткәрелде. Шул уңайдан 2 нче сыйныф укучылары мәктәп укучыларыннан интервью алдылар. Тынычлык турында сөйләшеп, шигырьләр укып, җырлар җырладылар. Әлеге көн Берләшкән Милләтләр Оешмасы Генераль Ассамблеясе карары белән 2002 нче елдан бирле билгеләп үтелә. Бу көнне бөтен илләргә сугыштан һәм ут ачудан туктарга тәкъдим ителә.

2016 нчы елның 16 нчы сентябрендә Түбән Көек төп гомуми белем мәктәбенең 8 нче сыйныф укучылары сыйныф җитәкчеләре Мөбәрәкшина Лилия Радик кызы белән берлектә Татарстан символларын 200 һәм 2000 сумлык купюраларга урнаштыру хокукын алу өчен тавыш бирүдә катнаштылар.

2016 нчы елның 15 нче сентябрендә Татарстан Варислары Берлеге оешмасы, варисларның законнары, биеклекләре, кагыйдәләре турындагы белемнәрне камилләштерү, укучыларда патриотик хисләр тәрбияләү максатыннан Түбән Көек төп гомуми белем мәктәбенең 2 нче сыйныф укучылары белән сыйныф сәгате үткәрелде.

2016 нчы елның 14 нче сентябрендә «Бөтенроссия аеклык көне» уңаеннан Түбән Көек төп гомуми белем мәктәбенең тарих һәм җәмгыять белеме укытучысы Хәбибуллин Рамил Шамил улы 7 нче сыйныф укучыларына «Аек акыл – көчлеләргә хас сыйфат!» дип исемләнгән тәрбия сәгате уздырды.

Аеклык көне уңаеннан, 2016 нчы елның 9 нчы сентябрендә Түбән Көек төп гомуми белем мәктәбендә 2 нче сыйныф укучылары белән «Исереккә диңгез тубыктан» темасына сыйныф сәгате үтте. В.С. Казыйхановның «Әхлак дәресләре» китабыннан файдаланылды. Укучылар «Нәрсә ул аеклык?» соравына җавап алдылар.

2016 нчы елның 9 нчы сентябрендә «Экстремизмга – юк!» айлыгы кысаларында Түбән Көек төп гомуми белем мәктәбенең тарих һәм җәмгыять белеме укытучысы Хәбибуллин Рамил Шамил улы 7 нче сыйныф укучыларына «Терроризм һәм аның төрләре» темасына тәрбия сәгате уздырды.

2016 нчы елның 9 нчы сентябрендә «Экстремизмга – юк!» айлыгы кысаларында Түбән Көек төп гомуми белем мәктәбенең 6 нчы сыйныф укучыларына «Без экстремизмга каршы» темасына сыйныф сәгате үткәрелде (сыйныф җитәкчесе Гиниятов Илшат Сәлахетдин улы).

2016 нчы елның 7 нче сентябрендә Түбән Көек төп гомуми белем мәктәбенең башлангыч сыйныф укучыларын ТИН укытучысы Галиәхмәтов Дамир Мулланур улы мәктәпнең эвакуация планы белән таныштырды. Укытучы төрле гадәттән тыш хәлләрдә ситуациядән чыгу юлларын аңлатты.