2014 нче елның 1 нче октябрендә Түбән Көек урта гомуми белем бирү мәктәбендә Өлкәннәр көне үткәрелде. Бәйрәмгә укучыларның әбиләре, дәү әниләр һәм ветеран укытучылар чакырылган иде. Укучылар тарафыннан концерт куелды, өлкәннәр үзләре дә чыгыш ясады. Бәйрәм табын артында дәвам итте.

2014 нче елның 26 нчы сентябрендә Түбән Көек урта гомуми белем бирү мәктәбенең 6 нчы сыйныф укучылары «Ашыт» заказнигы хезмәткәрләре белән берлектә авыл янындагы полосада өмә ясадылар.

«Татарстанның чиста урманнары» акциясендә катнашу турында тулырак...

2014 нче елның 26 нчы сентябрендә Түбән Көек урта гомуми белем бирү мәктәбендә «Ашыт» заказнигы хезмәткәрләре белән очрашу булды. «Марш Парков - 2014» конкурсында 1 нче урын алган 10 нчы сыйныф укучысы Фәтхрахманов Илмир Рәшит улы диплом һәм фотоаппарат белән бүләкләнде. Биология укытучысы Шакирова Флера Гарифҗан кызына рәхмәт хаты һәм истәлекле бүләк тапшырылды.

Республика күләмендә алынган призлы урын турында тулырак...

2014 нче елның 5 нче сентябрендә Түбән Көек урта гомуми белем бирү мәктәбе укучыларына «Финанс грамоталылык көне» буенча Түбән Көек авыл җирлеге баш бухгалтеры Садыйкова Гөлфирә Зиннур кызы чыгыш ясады.

Хөрмәтле укытучылар, әти-әниләр, балалар.

Түбән Көек урта гомуми белем бирү мәктәбе коллективы сезне Белем бәйрәме белән тәбрикли. Сезгә сәламәтлек, тынычлык, иминлек, уңышлар, озын гомер теләп кала.

2014 нче елда «Иң яхшы укытучыбыз» («Наш лучший учитель») грантына ия булучылар билгеле булды. Алар арасында Түбән Көек урта гомуми белем бирү мәктәбенең математика укытучысы Мөбәрәкшина Лилия Радик кызы да бар. Сезне чын күңелебездән котлыйбыз!

2014 нче елда «Иң яхшы укытучыбыз» («Наш лучший учитель») грантына ия булучылар билгеле булды. Алар арасында Түбән Көек урта гомуми белем бирү мәктәбенең татар теле һәм әдәбияты укытучысы Галиәхмәтова Гөлшат Наил кызы да бар. Сезне чын күңелебездән котлыйбыз!

Татарстан Республикасы Әтнә районы Түбән Көек урта гомуми белем бирү мәктәбе сайтының (http://tkoek.ucoz.ru) Интернет челтәрен гизә башлавына өч ел булды.

Лагерьның соңгы көннәре балалар өчен моңсурак булса да, бу көннәр бик күңелле узды. Сабантуй бәйрәме гөрләп үтте. Лагерьны ябу тантаналы линейка белән төгәлләнде. Лагерь байрагын төшерү бәхете лагерьга бер көн дә калмый йөрүче балаларга тәтеде.