2015 нче елның 16 нчы февралендә Түбән Көек урта гомуми белем бирү мәктәбенең 9 нчы сыйныф укучылары тыл ветераны Мәрдәнова Илһамия Фазыл кызы белән очраштылар. Очрашу һәр баланың күңелендә көчле тәэсир калдырды.

2015 нче елның 14 нче февралендә Түбән Көек урта гомуми белем бирү мәктәбенең 6-7 нче сыйныф укучылары белән герой-шагыйрь Муса Җәлилне (Муса Мостафа улы Җәлилов) [15.02.1906 – 25.08.1944] искә алу кичәсе үткәрелде. Шагыйрьнең иҗатына багышланган презентация күрсәтелде. Чараны китапханәче Шәрәфиева Гөлфия үткәрде.

2015 нче елның 13 нче февралендә Түбән Көек урта гомуми белем бирү мәктәбенең 9 нчы һәм 6 нчы, 9 нчы һәм 10 нчы сыйныфлары арасында волейбол ярышы үтте. Урыннар: I – 10 нчы сыйныф, II – 9 нчы сыйныф,  III – 6 нчы сыйныф, IV – 7, 8 нче сыйныфлар.

13 нче февраль көнне тәрбия сәгатен 5 нче сыйныф укучылары укытучылары Хабибуллин Рамиль җитәкчелегендә мәктәп каршындагы Туган якны өйрәнү музеенда файдалы итеп үткәрделәр. Тәрбия сәгатенең максаты – хәрби-патриотик белемнәрне ныгыту, тарихны өйрәнү, укучыларда туган илгә карата мәхәббәт хисе тәрбияләү.
Укучылар Бөек Җиңүнең 70 еллыгы уңаеннан музейда урнаштырылган яңа кызыклы мәгълүматлар, экспонатлар, фотографияләр белән таныштылар. «Сугыш җиле безнең якларда» дип исемләнгән доклад-презентация аеруча кызыксындыру уятты. Укучылар Бөек Ватан сугышында катнашкан якташларыбыз исемлеген игътибарга алдылар, үзләренең бабайларының исемнәрен эзләү аеруча мавыктырды.

2015 нче елның 11 нче февралендә Бөек Җиңүнең 70 еллыгына карата «Әдәби әсәрне сәнгатьле башкаручылар бәйгесе»нең район турында катнашып, Түбән Көек урта гомуми белем бирү мәктәбенең 1 нче сыйныф укучысы Гыймранова Алинә призер булды.

2015 нче елның 5 нче февралендә «Ел сыйныф җитәкчесе – 2015» конкурсының район турында катнашып, Түбән Көек урта гомуми белем бирү мәктәбе укытучысы Абдуллина Гөлназ Газиз кызы грамота һәм истәлекле бүләк белән бүләкләнде.

«Мин сугыш турында ишетеп кенә беләм» («Я только слышал о войне») Бөек Җиңүнең 70 еллыгына багышланган балалар рәсемнәре конкурсында кечкенә яшьтәгеләр төркемендә Түбән Көек урта гомуми белем бирү мәктәбенең 3 нче сыйныф укучысы Аскаров Ильмир II урын, урта яшьтәгеләр төркемендә 8 нче сыйныф укучысы Заһидуллин Илфир II урын, өлкән яшьтәгеләр төркемендә 10 нчы сыйныф укучысы Заһидуллин Илзир III урынны алды. Җитәкчеләре Заһидуллина Розалия Әхәт кызы.