2014 нче елның 30 нчы мартында Түбән Көек урта гомуми белем бирү мәктәбенең 10 нчы сыйныф укучысы Кадимова Надия Хәмит кызы (җитәкчесе Хабибуллин Рамиль Шамил улы), Бөтендөнья татар конгрессы белән берлектә Россия ислам институты уздырган «Илаһи моң» фәнни-гамәли конференциясендә уңышлы чыгыш ясап, мактау грамотасы һәм Яшьләр форумына чакыру белән бүләкләнде.

«Мин динемне яратам» дип исемләнгән рәсем һәм иншалар бәйгесендә катнашкан укучылар: 3 нче сыйныфтан Хәкимов Илнар, Якубова Алинә, Баһавиева Бриллиант, 5 нче сыйныфтан Кадимов Нәзир, Нуриев Айрат, 7 нче сыйныфтан Закирова Язилә, 8 нче сыйныфтан Хафизова Әминә, 9 нчы сыйныфтан Сәмигуллина Нурзилә район үзәгендәге мәчеттә үткәрелгән бүләкләү тантанасында катнаштылар.

2014 нче елның 27 нче мартында үткән экологик конференциядә Түбән Көек урта гомуми белем бирү мәктәбенең 10 нчы сыйныф укучысы Кадимова Надия Хәмит кызы «Колорадо коңгызының азык сыйфатына тәэсире» дигән тема астында чыгыш ясап II урын яулады. Эзләнү эшенең җитәкчесе Шакирова Флера Гарифҗан кызы.

2014 нче елның 25 нче мартында Татарстан Республикасы Мәгариф һәм фән министрлыгы тарафыннан уздырылган «Россия династияләре» Бөтенроссия проект эшләре конкурсында Түбән Көек урта гомуми белем бирү мәктәбенең 5 нче сыйныф укучысы Кадимов Нәзир (җитәкчесе Кадимова Сөмбел Мулланур кызы), 6 нчы сыйныф укучысы Хәкимов Рәсим (җитәкчесе Фәтхрахманова Эльвера Мансур кызы) «Хезмәт сөюче династияләр» номинациясендә җиңү яулап Казан шәһәренең 139 нчы гимназиясендә бүләкләү тантанасында катнаштылар.