Татар авыллары үзенең тырыш халкы, көнкүреше, табигате белән матур. Әмма күбебез еш кына тиешенчә үз туган ягыбызның матурлыгы белән соклана, аның табигатен кадерли, кешеләрен хөрмәт итә белмибез. Туган ягыбызны кадерләргә, табигатен сакларга, авылларны яхшыртырга, аннан чыккан шәхесләрне белергә һәм хөрмәт итәргә кирәк.

"Авылым гүзәллеге" (#авылымгүзәллеге) проекты нәкъ менә шушы максатлардан чыгып оештырылды. Проектның идея авторы – Раил Галиев. Ә инде оештыру эшләре нигездә Татнетны үстерү фонды тарафыннан алып барылды. 

Проект Инстаграм һәм ВКонтакте социаль челтәрләрендә үткәрелде. 21 көн дәвамында әлеге проект кысаларында көн саен туган авылыңның гүзәллеген күрергә һәм әлеге гүзәллекне башка кешеләргә дә ирештерергә кирәк иде. Марафонда хәтта Австралиядә яшәүче Финзия Газизова да катнашты, ул үзе туган Балтач районының гүзәллеген бөтен дөньяга ирештерде. #авылымгүзәллеге проектында Башкортстаннан һәм Киров өлкәләреннән дә катнашучылар булды, чөнки Татарстаннан читтә дә татар авыллары шактый күп. Аларда да тырыш татар халык яши һәм авылларын матур итеп саклыйлар һәм үстерәләр!

Республикабызга килгәндә, авылларын иң кадерли һәм ярата торган кешеләр Арча, Балтач, Биектау, Теләче районнарында яши дигән фикер калды. #авылымгүзәллеге проектында иң күп катнашучылар нәкъ менә әлеге районнардан.

Әйдәгез, #авылымгүзәллеге проектының финалистлары белән танышыйк. Марафонда катнашырга 300 дән артык кеше катнашырга теләк белдерсә дә, нибары 150 гә якын кеше генә финалга барып ирешә алды.

#авылымгүзәллеге проектының финалистлары турындагы мәкаләнең дәвамы...

Чыганак: http://tat-i.net/tt/avilim-guzallege-2020