Татнетны үстерү фондына нигез 2013 елның апрель аенда түбәндәге максатлардан чыгып салынды:
- Интернет челтәренең татар сегментын үстерүгә юнәлтелгән фәнни, белем бирү, мәдәни, тарихи һәм башка төр иҗтимагый файдалы интернет-проектларны үстерүгә ярдәм итү;
- татар телле мәгълүмати һәм интернет-технологияләр өлкәсендә фәнни эзләнүләр алып баруда катнашу һәм ярдәм күрсәтү;
- Интернет челтәрендә татар телендә эшләп килгән фәнни-белем бирү проектларына ярдәм итү;
- татарча мәгълүмати технологияләрне һәм Интернет челтәренең татар сегментын үстерүгә багышланган симпозиумнар, конференцияләр, конкурслар, семинарлар, вебинарлар һәм башка шундый чаралар оештыру.
Фондның миссиясе: Интернет челтәрендә татар телле интернет-проектларның санын һәм сыйфатын арттыру юлы белән татар телен саклау һәм үстерү, татар телен куллану даирәсен киңәйтү.Фондка нигез салыну вакыты: 2013 нче елның апрель ае.Фондның учредителе һәм башкаручы директоры: Гатауллин Раил Мәүлет улы.Фондның Попечительләр советы1. Якупов Илфир Илшат улы, Галиәсгар Камал исемендәге Татар дәүләт академия театры директоры, Попечительләр советы рәисе2. Вәлиев Разил Исмәгыйль улы, Татарстан Республикасы Дәүләт Советы депутаты, Татарстан Республикасы Дәүләт Советы Президиумы әгъзасы, Мәдәният, фән, мәгариф һәм милли мәсьәләләр комитеты рәисе, "Мәгариф" милли проектын гамәлгә ашыруны тикшереп тору буенча Татарстан Республикасы Дәүләт Советы комиссиясе рәисе3. Мифтахов Фәрит Фәиз улы, Татарстан Республикасы Дәүләт Советы депутаты, Татарстан Республикасы Дәүләт Советының Социаль сәясәт комитеты әгъзасы4. Шәфигуллин Лотфулла Нурислам улы, Татарстан Республикасы Дәүләт Советы депутаты, Татарстан Республикасы Дәүләт Советының Законлылык һәм хокук тәртибе комитеты әгъзасы, "Таттелеком" ААҖ генераль директоры5. Фәттахов Энгель Нәвап улы, Татарстан Республикасы Премьер-министры урынбасары – Татарстан Республикасы мәгариф һәм фән министры6. Вәлиев Римзил Салих улы, Татарстан Республикасының атказанган мәдәният хезмәткәре, күренекле татар журналисты, җәмәгать эшлеклесе, Татар федераль милли-мәдәни автономиясе Советы рәистәше7. Юнысова Әлфия Туфан кызы, җәмәгать эшлеклесе, Бөтендөнья татар конгрессында редактор-модератор2013 елның 27 нче июнендә Попечительләр советының беренче утырышы карары белән расланган.
|
