#СӘЛАМӘТИРТӘ проекты быел дүртенче мәртәбә үткәрлелде. Ул ел саен 11 нче май көнне башланып китә һәм 21 көн дәвам итә. 21 көндә теләгән һәр кеше үзендә яхшы гадәт - иртән торып йөгереп кайту, сәламәтлекне ныгыту гадәтен формалаштыра ала. Идеалда әлеге гадәт ел дәвамында саклана - яңгырлы көзләргә кадәр күп кенә марафончылар актив тормыш алып бара башлыйлар, иртәнге табигать энергиясен алып иммунитетларын ныгыталар, иртүк торып көн дәвамында күп эшләр эшлиләр һәм максатларына тизрәк ирешәләр. 

IV #СӘЛАМӘТИРТӘ проектында быел барлыгы 173 кеше катнашырга теләк белдерде. Алар арасыннан бары тик 127 кеше генә финалга барып җитә алды. Финалга эләкмәүчеләрне ике категориягә бүләргә мөмкин. Кемнәрдер катнашам дип "+" куйдылар да, үзләре алдына куйган максатларын шунда ук оныттылар. Ә кемнәрдер 21 көн дәвамында марафонда катнаша алмыйча төшеп калдылар.

Финалистларны да 3 категориягә бүлеп карарга була. 127 финалист арасыннан дистәдән артык кешегә "++" куярга була. Аларның #сәламәтиртә проекты барышында куйган позитив фотоларын күргәч һәркемнең йөгерәсе килә, рухы арта, үз сәламәтлеге белән шөгыльләнү теләге уяна.

Марафончыларның күпчелегенә "+" куя алабыз. Алар - марафонның барлык таләпләрен дә тиешенчә үтәгән, 21 көн дәвамында марафонда актив катнашкан кешеләр.

Финалистлар исемлегенә без шулай ук марафонның таләпләрен 100% ук үтәмәгән кешеләрне дә кабул иттек. Алар арасында селфи төшәсе урынга табигать матурлыгын төшереп йөрүчеләр дә, иртәнге 7 дән соң бераз соңрак калып фото урнаштыручылар да, 20 көн генә катнашучылар да бар.

Әмма барлык 127 финалистны бер әйбер берләштерә - алар үзләренең һәм якыннарының сәламәтлекләрен кайгырта беләләр һәм алларына куйган максатларына ирешәләр!

Барлык финалистларны да чын күңелдән җиңүләре белән тәбрик итәбез; июнь ае дәвамында барлык 127 финалистка электрон сертификатлар барып ирешер һәм тиздән финал тантанасы көне дә билгеле булыр, дип ышанып калабыз!

IV #сәламәтиртә проекты финалистлары турындагы мәкаләнең дәвамы...

Чыганак: http://tat-i.net/tt/node/187