"Татнетны үстерү фонды" коммерцияле булмаган оешмасына (http://tat-i.net/tt) 2013 елның 27 мартында нигез салынган иде. Нәкъ менә шушы көнне Россия Федерациясенең Татарстан Республикасы буенча Юстиция министрлыгы Татнетны үстерү фондын Юридик затларның бердәм дәүләт реестрында теркәде.
7 ел дәвамында Фондның татар интернетын һәм татар телен үстерүдә башкарган, оештырган һәм оештыруда катнашкан эшләре шактый. Алар:
- "Белем җәүһәрләре" дөньякүләм файдалы татар интернет-проектлар бәйгесе (http://konkurs.belem.ru) - 2019 елда россиякүләм бәйгедә I дәрәҗә дипломга лаек булды;
- "Әдәби җәүһәрләр" россиякүләм татар әдәбиятын сөючеләр бәйгесе (http://belem.ru/adabi-jauharlar-2018);
- "Яшь татнетчылар" республикакүләм интернет-проектлар бәйгесе (http://belem.ru/yash-tatnetchilar2017);
- "#әдәбимарафон" дөньякүләм әдәби марафон (https://vk.com/adabimarathon);
- Бөек Җиңүнең 70 еллыгына багышланган "Ул көннәрнең даны онытылмас" видеочыгышлар бәйгесе (http://belem.ru/node/5729);
- "#сәламәтиртә" россиякүләм сәламәтлек марафоны (https://vk.com/salamatirta);
- "#тәмлемарафон" республикакүләм онлайн аш-су марафоны (https://vk.com/tamlemarafon);
- "Илһамият" халыкара бәйге-фестивале (http://belem.ru/node/7669);
- Россиякүләм татар телендә «Китапнамә»ләр бәйгесе (http://tat-i.net/tt/node/157) һ.б.
Татнетны үстерү фондының:
- ВКонтакте социаль челтәрендә рәсми аккаунты: https://vk.com/tatnet
- Инстаграм челтәрендә рәсми аккаунты: https://www.instagram.com/_tatnet_/
Безнең белән бергә булыгыз һәм бергә яңа үрләр яулыйк!
Чыганак: http://tat-i.net/tt/node/178 | 
