Статистика
Онлайн барлыгы: 1 Кунаклар: 1 Кулланучылар: 0
|
Блог
Төп бит » 2014 » Февраль » 18 » Татнетны үстерү фонды интернет челтәрен татарча сыйфатлы ресурслар белән баету юнәлешендә тагын бер бәйге-акция оештыруда катнаша
22:49 Татнетны үстерү фонды интернет челтәрен татарча сыйфатлы ресурслар белән баету юнәлешендә тагын бер бәйге-акция оештыруда катнаша |
Татнетны үстерү фонды интернет челтәрен татарча сыйфатлы ресурслар белән баету юнәлешендә тагын бер бәйге-акция оештыруда катнаша башлады. Февраль ае башында Г.Камал исемендәге татар дәүләт театры белән берлектә "Белем.ру" порталы кысаларында "Айның иң яхшы электрон белем-тәрбия ресурсы” дип исемләнгән бәйге-акция оештырылып эшләп киткән иде. Бүген беренче бәйгенең нәтиҗәләре игълан ителде - гыйнвар аеның иң яхшы ресурсы билгеле булды!
Гыйнвар аенда "Белем.ру" порталына урнаштыру өчен барлыгы 9 электрон ресурс кабул ителгән. Һәм менә ике атна дәвам иткән сораштыру нәтиҗәләре буенча гыйнвар аеның иң яхшы ресурсы исеменә Сарман районы Җәлил бистәсенең 2 санлы урта мәктәбенең югары категорияле татар теле һәм әдәбияты укытучысы Шәйдуллина Ландыш Камил кызы юллаган "Киләчәк – бүгенге көн ул” (укыту-тәрбия эшендә Р.Фәхреддин мирасын файдалану буенча эш тәҗрибәсеннән) мәкаләсе лаек булды.
Әлеге бәйге-акция кулланучылар ярдәме белән ай саен иң яхшы ресурсларны билгеләп барачак. Ел ахырында исә оештыручылар 12 иң яхшы ай ресурсы арасыннан "Ел ресурсы”н ачыклауны оештырырга исәпли.
Чыганак: http://tat-i.net/tt/node/47
|
|
Категория: Татнет яңалыклары |
Карап чыгулар: 459 |
Өстәде: admin
| Рейтинг: 5.0/1 |
|
|
