Татнетны үстерү фонды проектлары кешене үзүсешкә, кешене һәр яктан сәламәтләндерүгә багышланган.
#ӘдәбиМарафон проекты кешеләрнең фикерләү сәләтен яхшыртып әдәби тел байлыгын савыктырса, #TatTime проекты бизнес өлкәсендә фикерләү сәләтен тәртипкә китерсә һәм үздисциплинаны яхшыртса, #СәламәтИртә марафоны кешенең организмын дәвалый, яшеренеп яткан ресурсларын арттыра, физик яктан кешене камилләштерә.
3 июнь көнне Казан шәһәренең Горький паркында VII #СәламәтИртә марафонының финал йөгерүе узды.
Проектта Татарстанның 29 районыннан кала Башкортостан һәм Чувашия Республикаларыннан, Санкт-Петербург шәһәреннән катнашучылар булды һәм проект быел да Россиякүләм проектлар исемлегенә керә алды.
Әлеге марафонның елдан-ел киңрәк колач ала баруы күңелләрне шатландыра!
Чыганак: https://tat-i.net/tt/node/660 | 
