Хөрмәтле татар әдәбиятын сөючеләр һәм Татнет кулланучылары!
1-21 апрельдә үткәрелгән XV #әдәбимарафон проектының финалистлары билгеле. Әлеге исемлеккә бәйгенең кагыйдәләрен үтәгән, игътибарлы һәм максатчан булган, 21 көн дәвамында татар китап/журналларын кулына тотып укыган һәм алардан кызыклы өзекләр белән үз аккаунтларында уртаклашкан кулланучылар үтте.
Исегезгә төшерәбез, XV #әдәбимарафонда катнашырга 2300 дән артык гариза кабул ителгән иде. Финалга алар арасыннан 2019 марафончы гына барып җитте (бу әле тулы исемлек түгел, якын көннәрдә, 1 майга кадәр, әлеге исемлеккә техник сәбәпләр аркасында эләкми калган кулланучылар өстәлергә мөмкин). Финалистлар исемлеге белән таныштырабыз һәм XV #әдәбимарафон финалына уңышлы килеп җитүләре белән чын күңелдән котлыйбыз.
XIV һәм XV #әдәбимарафон финалистлары июль аенда Арча районында #әдәбисабантуе форматында үткәреләчәк финал тантанасында бүләкләнерләр дип көтелә! Бу турыда төгәлрәк мәгълүматны соңрак ирештерербез, Татнетны үстерү фондының сайты яңалыкларыннан (рәсми сайт: http://tat-i.net/tt, рәсми ВКонтакте берләшмәсе: https://vk.com/adabimarathon, рәсми Телеграм-канал: https://t.me/adabimarathon) хәбәрдар булып торыгыз!
XV #әдәбимарафон финалистлары турындагы мәкаләнең дәвамы...
Чыганак: http://tat-i.net/tt/finalistlar-15 | 
