XI Дөньякүләм "Әдәби марафон" (#әдәбимарафон) проектында катнашкан хөрмәтле китап укучылар һәм татар әдәбияты белән кызыксынучы дуслар!
Татар халкының "Әдәби марафон" дип исемләнгән үзүсеш проекты популярлашканнан популярлаша бара! Унберенче марафонда Австралия һәм Төркиядән, шулай ук Башкортстан, Удмуртия, Чувашия Республикаларыннан, Киров, Омск, Чиләбе өлкәләреннән һәм Санкт-Петербург шәһәреләреннән дә катнашучылар бар. Марафонда катнашырга теләк белдереп 1600 гә якын гариза килде, ә 1300 дә артык марафончы бәйгенең финалына барып җиттеләр. Финалистлар арасында 350 дән артык бала/яшүсмер бар, иң кечкенә әдәби марафончыга нибары 4 яшь!
ВКонтакте социаль челтәрендәге #әдәбимарафон хэштегларының саны 91 меңнән артып китте, димәк әлеге социаль челтәрдә генә дә шуның кадәр татар язучыларының әсәрләреннән өзекләр урнаштырылган, дигән сүз!
Бәйгенең финал тантанасы июнь аенда үткәрелер дип планлаштырыла. Хәзерге вакытта тантананың үткәрелү урынын ачыклау процедурасы бара. "Татнефть" компаниясе үткәргән грантта #әдәбимарафон проектын күреп алсалар һәм финанс ягыннан ярдәм итә алсалар, чараны үткәрү дәрәҗәсе тагын да югарырак күтәрелер, дип ышанып көтеп калабыз!
XI Дөньякүләм "Әдәби марафон" финалистлары турындагы мәкаләнең дәвамы...
Чыганак: http://tat-i.net/tt/node/182 | 
