Бу көннәрдә XXV #ӘдәбиМарафон проекты финалистларын бүләкләү тантанасының кайчан һәм кайда узачагы билгеле булды. Ул 13 декабрь көнне Кәрим Тинчурин театрында узачак. Тантанага килгән марафончылар өчен китап күргәзмәсе оештыру да планлаштырылган. Шулай ук, тантанадан соң, теләгән марафончылар өчен театр буенча эксурсия оештырыла, ә кич 18:30 сәгатьтә "Хыялый" спектаклен карарга мөмкин булачак. Пушкин картасы белән спектакль караган балаларның Тинчурин театры үткәргән бүләк уйнатуда смартфон оту мөмкинлеге дә бар.
Ә иң мөһиме - тантанага республикабыз язучылары, шагыйрьләре, драматурглары чакырулы. Әдәби марафончылар хәзерге вакытта иҗат итүче яраткан авторлары, кумирлары белән бергә фотога төшә, алардан автографлар ала алачак.
Тантана турында тулы мәгълүмат белән XXV #ӘдәбиМарафон проекты финалистлары приват-чатта таныша алалар.
Чыганак: https://tat-i.net/tt/node/688 | 
