Пәнҗешәмбе, 28.03.2024, 14:23
Сәламлибез Сезне Гость | RSS

Түбән Көек төп гомуми белем мәктәбе сайты

Сезнең фикер
Сайтка бәя бирегез
Барлык җаваплар: 9425
Статистика

Онлайн барлыгы: 4
Кунаклар: 4
Кулланучылар: 0
Керү формасы
Язмалар архивы
Безнең баннер коды


Түбән Көек урта гомуми белем бирү мәктәбе сайты
Көннәр агышы

Блог


21:35
Татар әдипләре популярлыгының яңартылган рейтингы дөнья күрде! (әдәби марафончылар күзлегеннән)

Хөрмәтле китап укучылар һәм татар әдәбиятын яратучылар!

Хәтерләсәгез, 2019 елның 6 ноябре көнне без сезгә IX Дөньякүләм #әдәбимарафон проектында катнашкан китап укучылар фикерен ирештергән идек: http://tat-i.net/tt/node/171.

Бүген исә сезнең игътибарга X #әдәбимарафон проектында катнашкан 1082 китап укучының фикерен хәбәр итәргә телибез. 21 нче февраль көнне үткәреләчәк #әдәбимарафон проекты финалистларын бүләкләү тантанасында марафончылар нәкъ менә әлеге шәхесләрне күрергә теләк белдерделәр. Ягъни, 1082 марафончыга (алар арасыннан 307 марафончы - 16 яшькә кадәр балалар!) "Финал тантанасында кайсы язучы яисә шагыйрьне күрергә телисез?" дигән сорау бирелде һәм бу сорауга бары тик өч кандидатураны гына тәкъдим итәргә ярый иде. 

Марафонда катнашучылар бер үк кешеләр булмасалар да, аның составы 27% ка үзгәрсә дә, рейтингта TOP-3 позицияне шул ук әдипләр саклап калды. 1082 кеше арасыннан Роберт Миңнуллинны тантанада күрергә теләк белдереп 401 кеше, Зифа Кадыйрованы - 183, ә Рабит Батулланы күрергә теләп 141 кеше анкета тутырды.

Марафончылар тантанада күрергә теләгән шәхесләр саны барлыгы 205 кеше булса да, без кулланучыларыбызга, гадәттәгечә, рейтингтагы иң популяр шәхесләр исемлеген генә тәкъдим итәбез (ким дигәндә 10 кеше әлеге әдипләр белән тантана вакытында күрешергә тели). Татнетны үстерү фонды төзегән әлеге исемлеккә бу юлы 49 шәхес керде:

Роберт Миңнулин
Зифа Кадыйрова
Рабит Батулла
Гөлсинә Галимуллина
Айгөл Әхмәтгалиева
Данил Салихов
Нәбирә Гыйматдинова
Разил Вəлиев
Ләбиб Лерон
Марат Кабиров
Галимҗан Гыйльманов
Гөлнур Айзат
Шәмсия Җиhангирова
Ленар Шәех
Мәдинә Маликова
Гүзәл Галләмова, Йолдыз Шәрапова, Равилә Шәйдуллина
Рафис Корбан
Раил Гатауллин
Равил Фәйзуллин
Фәүзия Бәйрәмова
Рифат Саләх
Рәмзия Габделхакова
Илсөяр Иксанова, Факил Сафин
Айгиз Баймөхәммәтов
Зөлфәт Хәким, Сания Әхмәтҗанова
Марсель Галиев, Таһир Шәмсуаров
Ренат Харис
Камил Кәримов
Алмаз Гыймадиев, Рүзәл Мөхәммәтшин, Хәбир Ибраһим
Илгиз Зәйниев, Фоат Садриев
Эльмира Шарифуллина, Йолдыз Миңнуллина
Фоат Галимуллин, Гөлүсә Батталова
Рәмис Аймәт, Эльмира Җәлилова, Ләйлә Дәүләтова, Рөстәм Галиуллин
Вахит Имамов, Газинур Морат, Гөлүсә Шаһбан


Шуны да әйтеп үтәсебез килә, әлеге исемлеккә берничә шәхес аздан гына эләгә алмый калдылар. Алар:

Гәрәй Рәхим
Гүзәл Яхина
Ренат Мөхәммәдиев
Ркаил Зайдулла
Халисә Ширмән
Шул рәвешле, #әдәбимарафон проекты кысаларында язучылар, шагыйрьләр, драматурлар һәм хәтта публицистлар арасында халыкның "любимчиклары" кемнәр булуын шактый зур төгәллек белән күрсәтеп була. #әдәбимарафон проектында катнашучылар саны арта бару белән, әлеге төгәллек киләчәктә тагын да югарырак булачак.

Әлеге саннар нәрсә турында әйтәләр соң? Әлеге саннар берничек тә язучыларның яхшы язалармы-юкмы икәнен әйтмиләр. Әлеге рейтинг, иң беренче чиратта, язучыларның китап укучылар белән никадәр якын булу-булмавын хәбәр итә. Димәк, әлеге рейтингта тагын да югарырак позициягә күтәрелү өчен язучыларга, драматургларга, шагыйрьләргә, публицистларга китап укучылар белән тагын да якынрак булырга, күбрәк һәм яхшырак иҗат итәргә, үз сайтларын һәм социаль челтәрләрдә шәхси аккаунтларын булдырырга, социаль челтәрләрдә активлыкны яхшыртырга, китап укучылар (аеруча балалар - алар безнең киләчәгебез!) белән күбрәк очрашулар үткәрергә кирәк.

Бирелгән рейтинг татар әдәбиятының бүгенге халәтен тулысынча сурәтли, дип әйтеп бетерә алмый. Бүгенге көндә инде безнең арабызда булмаган әдипләрнең - татар классикларының иҗатлары һәрбер китапханәдә зур хәзинә булып саклана. Әлеге классиклар бу рейтингта юк, әмма аларның китаплары һәм әсәрләре кулдан-кулга йөриләр! Мөгаен, ТАССРның 100 еллыгы уңаеннан киләсе марафоннарыбызда без әлеге классикларның иҗатлары белән ныграк танышырбыз һәм киләчәктә аларның рейтингын да булдырырбыз, дип исәп тотабыз.

PS. Рейтингны формалаштыруда катнашкан X #әдәбимарафон проекты финалистлары исемлеге белән http://tat-i.net/tt/node/174 сылтамасы буенча күчеп танышырга мөмкин.

Чыганак: http://tat-i.net/tt/node/175

Категория: Татнет яңалыклары | Карап чыгулар: 209 | Өстәде: admin | Рейтинг: 5.0/2
Эзләү
Календарь
«  Февраль 2020  »
ДСЧПҖШЯ
     12
3456789
10111213141516
17181920212223
242526272829
Тәрбия
Вакыт агышы
Үткәндә калдылар
[17.02.2020][2019/2020 нче уку елы яңалыклары]
Укучыларыбыз киез итекле хоккей турнирында II урын алдылар
[25.08.2017][2017/2018 нче уку елы яңалыклары]
Районыбызда мәгариф хезмәткәрләренең август киңәшмәсенең пленар утырышы узды
[19.01.2023][2022/2023 нче уку елы яңалыклары]
Мәктәбебездә янгын сүндерү бүлеге хезмәткәре белән очрашу узды
[16.12.2019][2019/2020 нче уку елы яңалыклары]
Мәктәбебез командасы III урын алды
[26.03.2022][2021/2022 нче уку елы яңалыклары]
Мәктәбебездә Корней Чуковскийның туган көне билгеләп үтелде
[12.09.2018][2018/2019 нчы уку елы яңалыклары]
Укучыларыбыз «Тынычлык территориясе» акциясендә катнаштылар
[02.04.2021][2020/2021 нче уку елы яңалыклары]
Укучыларыбыз «Тамчы–шоу» тапшыруында катнаштылар
[01.04.2019][2018/2019 нчы уку елы яңалыклары]
Укучыларыбыз экологик конференциядә катнаштылар
[07.04.2022][2021/2022 нче уку елы яңалыклары]
Мәктәбебездә Халыкара балалар китабы көне билгеләп үтелде
[16.01.2018][2017/2018 нче уку елы яңалыклары]
Мәктәбебездә Шиһабетдин Мәрҗанинең туган көне билгеләп үтелде
[24.11.2019][2019/2020 нче уку елы яңалыклары]
Китапханәдә күргәзмә оештырылды
[26.10.2017][2017/2018 нче уку елы яңалыклары]
Мәктәбебездә «Көзге бал» үтте
[05.03.2018][2017/2018 нче уку елы яңалыклары]
Мәктәбебез укучысы дипломант исеменә лаек булды