 |
2016 нчы елның 20 нче февралендә Түбән Көек урта гомуми белем мәктәбендә бәйрәм моның белән генә тәмамланмады. «Илен сөйгән ир булган» исеме астында узган очрашудан соң, «Туган тел көне»нә багышланган, 2 команда арасында «Тамчы-шоу» интеллектуаль-күңел ачу уены үткәрелде. Ярыш 6-7 нче сыйныфлар арасында барды. «Тукай оныклары» һәм «Батырлар» командалары ихлас күңелдән ярыштылар. Командалар 36:34 очко җыйнап шоу-уен тәмамланды. Залда утырган балалар да сорауларга җавапларны табып командалар өчен җан атып утырдылар. Кыска гына вакыт эчендә телгә бәйләнеше булган бик күп мәгълүматлар белән таныштык. Бәйрәмнән барыбыз да күңел күтәренкелеге белән өйләргә таралыштык.
|
«Тамчы-шоу» интеллектуаль-күңел ачу уенын татар теле һәм әдәбияты укытучылары Галиәхмәтова Гөлшат Наил кызы, Кәбирова Гөлсем Сәлихҗан кызы һәм мәктәп китапханәчесе Шәрәфиева Гөлфия оештырдылар.
Түбән Көек урта гомуми белем мәктәбе китапханәсендә мәктәп һәм авыл китапханәчеләре Шәрәфиева Гөлфия, Әхмәдуллина Эльмира тарафыннан Туган тел көненә карата стена газетасы чыгарылды, күргәзмә эшләп куелды.
|
