2015 нче елның 19 нчы декабрендә Түбән Көек урта гомуми белем мәктәбендә Татарстан Фәннәр академиясенең Ш.Мәрҗани исемендәге Тарих институтының Милли мәгариф тарихы һәм теориясе үзәгенең өлкән фәнни хезмәткәре, тарих фәннәре кандидаты (1982), Татарстанның атказанган мәдәният хезмәткәре (2002) якташыбыз Тәэминә апа Биктимерова белән очрашу кичәсе булды. Очрашуга район мәктәпләреннән тарих укытучылары һәм тәрбия эше буенча директор урынбасарлары килгән иде.