ВКонтакте социаль челтәре инде елдан артык яңа проект белән шау-гөр килеп тора. Сүз - #әдәбимарафон онлайн-проекты турында. Әлеге проект кулланучыларда татар теленә, татар әдәбиятына игътибар уята, үздисциплина булдыруда ярдәм итә, тайм-менеджмент нигезләренә өйрәтә.

Проект беренчесен 2017 елда башланып китте. Аның оештыручылары - Раил Гатауллин җитәкчелегендә Татнетны үстерү фонды һәм Татарстан китап нәшрияты. Беренче проектта нибары 30 га якын гына кеше катнашкан булса, һәр квартал саен аларның саны бермә-бер арта башлады.  ... Дәвамын укырга »

Кичә, 29 нчы октябрь көнне, Габдулла Кариев исемендәге Казан Татар дәүләт яшь тамашачы театрында IX Дөньякүләм "Белем җәүһәрләре – 2018" интернет-проектлар бәйгесенең җиңүчеләрен бүләкләү тантанасы үткәрелде.

Тантанага финалга чыккан 38 интернет-проект авторы чакырулы иде. Алар арасында татар сайтлары авторлары да, ВКонтакте социаль челтәре идарәчеләре дә бар. ВКонтакте социаль челтәрендәге татар төркемнәре арасында ярыш әле быел гына оештырылды, бүген аларны тәбрикләргә ВКонтакте социаль челтәренең тәрҗемәләр бүлеге җитәкчелеге дә (Екатерина Харькова һәм Наталья Сосулина) килгән иде. Бүләкләрне аларның кулыннан кабул итеп алу җиңүчеләр өчен аеруча шатлыклы булды.  ... Дәвамын укырга »

"Белем җәүһәрләре" дөньякүләм бәйгесендә катнашучылар һәм бәйгене кызыксынып күзәтеп торучылар!

Бәйге елдан-ел ныгый һәм киңәя бара, номинацияләр саны арта, интернет-проектларга карата таләпләр кырыслана һәм шул ук вакытта бүләкләр дәрәҗәлерәк була бара.

Быелгы тантана да башка елларга караганда нык үзгә булачак!

Беренчедән, аның тантана үткәрелү урыны үзгәрә. Быел җиңүчеләрне бүләкләү тантанасы 29 нчы октябрь (дүшәмбе) көнне Габдулла Кариев исемендәге Казан Татар дәүләт яшь тамашачы театрында үткәреләчәк, тантана 11:00 сәгатьтә башланачак.  ... Дәвамын укырга »

Гыйнвар аеның беренче өч атнасында ВКонтакте һәм Инстаграм челтәрләрендә барган #әдәбимарафон проектында актив катнашкан 43 китап укучы "марафончы"га 17 нче февраль көнне бүләкләр тапшырылачак! Шулай ук, марафончылар Татарстан китап нәшриятында дөнья күргән яңа китаплар белән танышачаклар, күренекле язучылар һәм шагыйрьләр – китап авторлары белән очрашачаклар. Тантана Татарстан китап нәшрияты кибетендә (Казан шәһәре, Бауман урамы, 29) үткәрелә.

Чараны оештыручылар – Татарстан китап нәшрияты һәм Татнетны үстерү фонды. Проектның идея авторы – Раил Гатауллин.  ... Дәвамын укырга »

Казан дәүләт мәдәният институты күп санлы оештыручылар, шул исәптән Татнетны үстерү фонды ярдәме белән III Халыкара "Илһамият" фестиваль-бәйгесен башлап җибәрә. Гаризалар 23 ноябрьга кадәр кабул ителә. Фестиваль-конкурс үзе исә Казан дәүләт мәдәният институтының концертлар залында 24-25 ноябрь көннәрне үткәреләчәк. 

Бәйгедә мәктәп укучылары да, студентлар да катнаша алалар. Конкурста 2 номинация, 3 категория һәм 4 яшь төркеме бар. Бәйгедә катнашу шартлары белән Нигезләмәне укып танышып була. 

Барлык кулланучыларга да уңышлар телибез!

Чыганак: http://tat-i.net/tt/node/142 

20 октябрь көнне Казанның Г.Камал театры бинасында VIII Дөньякүләм “Белем җәүһәрләре” файдалы татар интернет-проектлары бәйгесе җиңүчеләрен тәбрикләү тантанасы узды. Тантанага бәйгедә катнашкан һәр сайт авторы, жюри әгъзалары, узган еллардагы җиңүчеләр, татар интернеты белән даими кызыксынучы татнетчылар, телевидение һәм матбугат вәкилләре чакырулы иде.

ТР Мәгариф һәм фән министрлыгы, ТР Мәдәният министрлыгы һәм Татнетны үстерү фонды тарафыннан “Белем.ру” порталы кысаларында оештырылучы бәйгегә быел Татарстанның унөч шәһәр һәм районыннан, шулай ук Самара өлкәсеннән, Үзбәкстаннан барлыгы 80 гариза килгән иде. Тәкъдим ителгән сайтлардан 60 сайт бәйгегә кабул ителде һәм 9 номинация буенча бәяләнде.  ... Дәвамын укырга »

"Белем җәүһәрләре - 2017" VIII Бөтендөнья файдалы татар интернет-проектлары бәйгесендә катнашкан хөрмәтле кулланучылар, сайт авторлары!

Жюри әгъзалары һәм экспертлар күптән түгел быелгы бәйгегә нәтиҗәләр ясадылар һәм җиңүчеләр исемлеге алар өчен инде билгеле. Әмма аларның исемнәре башка кешеләр өчен әлегә сер булып калачак. Бәйгедә кемнәр җиңеп чыккан булуын бары тик тантана барышында гына белү мөмкин булачак.

Шул сәбәпле, бәйгенең оештыру комитеты "Белем җәүһәрләре - 2017" VIII Бөтендөнья файдалы татар интернет-проектлары бәйгесе җиңүчеләрен генә түгел, ә анда катнашкан һәрбер сайт авторын яисә хуҗасын бәйге тантанасында көтеп кала.

Җиңүчеләргә дипломнар һәм бүләкләр тапшыру тантанасы җ ... Дәвамын укырга »

Хөрмәтле дуслар!

Күптән түгел генә без III Республикакүләм "Яшь татнетчылар" интернет-проектлар бәйгесенең нәтиҗәләре билгеле булганын язып чыккан идек. 

Бүген исә барлык оештыручылар исеменнән татарча сайт ясап бәйгедә катнашкан 15 баланы әти-әниләре һәм укытучылары белән 16 май көнне Яр Чаллы шәһәренең «Мулланур Вахитов исемендәге 2 нче гимназия» муниципаль бюджет гомуми белем бирү учреждениесенә (Ак.Королев урамы, 20) бүләкләү тантанасына чакырабыз.

Тантана 11:00 сәгатьтә башлана. Көтеп калабыз!

Чыганак: http://tat-i.net/tt/node/138

Бу көннәрдә Татнетны үстерү фонды каршында эшләп килгән жюри әгъзалары III Республикакүләм "Яшь татнетчылар" интернет-проектлар бәйгесенә килгән сайтлар белән танышып чыктылар һәм җиңүчеләрне ачыкладылар.

Бәйге инде өченче ел рәттән Татнетны үстерү фонды һәм Татарстан Республикасы Яр Чаллы шәһәре «Мулланур Вахитов исемендәге 2 нче гимназия» муниципаль бюджет гомуми белем бирү учреждениесе тарафыннан оештырыла.

Бәйгедә быел Татарстанның 8 шәһәре һәм районыннан (Актаныш, Арча, Әлмәт, Иннополис, Кукмара, Лениногорск, Мөслим, Яр Чаллы) 15 бала катнашты. Алар арасыннан 5 бала - башлангыч сыйныф укучылары, 10 бала - уртанчы сыйныф укучылары.

I-IV һәм V-IX сыйныф укучылары арасында нәтиҗәләр ... Дәвамын укырга »

Арча муниципаль районы башкарма комитетының “Мәгариф идарәсе” муниципаль учреждениесе һәм Кушлавыч төп гомуми белем мәктәбе Татнетны үстерү фонды белән берлектә бөек татар шагыйре Г.Тукайның тууына 131 ел тулуга багышланган «Хезмәтем, көчем – милләтем өчен» девизы астында үткәрелүче Россиякүләм «Китапнамә»ләр («Буктрейлер») бәйгесе үткәрә.

Бәйгедә өстәмә белем бирү учреждениеләре, мәктәпкәчә белем бирү учреждениеләре, төп һәм урта мәктәп, сәнгать һәм спорт мәктәпләре, махсус (коррекцион) мәктәп укытучылары катнаша ала.  ... Дәвамын укырга »