Татарстан Республикасы Яшьләр эшләре министрлыгы, Татар федераль милли-мәдәни автономиясе һәм «Идел» яшьләр үзәге тарафыннан 28-30 апрель көннәрендә «ZAMAN» блогинг мәктәбе уздырылды.

Бу елны блогинг мәктәбендә Татарстан шәһәрләре һәм районнарыннан кала, Башкортостан, Удмуртия Республикаларыннан; Әстерхан, Оренбург, Пенза, Самара, Ульян, Чиләбе өлкәләреннән, Ямал-Ненец автономияле округы һәм Мәскәү шәһәреннән файдалы контент булдыру, блог алып бару белән кызыксынган 18 яшьтән 35 яшькә кадәрге яшьләр катнашты.  ... Дәвамын укырга »

Сәламәт яшәү рәвешен формалаштыруга юнәлтелгән VII #Сәламәтиртә үзүсеш проектын башлыйбыз!

Проект 11-31 майда (21 көн дәвамында) үткәрелә.

Проект түбәндәгедән гыйбарәт. Һәр катнашучыга:
- иртән иртүк торырга,
- сәламәтлек өчен файдалы күнегүләр ясарга,
- йорт янында ачык һавада (стадионда, кырда, паркта, ...) җиңелчә йөгереп кайтырга,
- проектта катнашып сәламәт яшәү рәвешен алып баруыңны социаль челтәрләрдә популярлаштырырга кирәк.  ... Дәвамын укырга »

Татнетны  үстерү фонды, «Белем.ру» ҖЧҖ һәм «Радио Белем»-«Белем радиосы» интерет-радиосы белән берлектә уздырылучы «Мое перо»‒«Минем каләмем» Бөтенроссия иҗади бәйгесенә  нәтиҗә ясалды.

Бәйгене уздыруның төп максаты: балалар һәм яшүсмерләр арасында уку һәм әдәби иҗатны популярлаштыру, ике телдә әдәби әсәрләр язучы яшь авторларны илһамландырып, аларга үсәргә ярдәм күрсәтү. Бәйгедә 8–18 яшьтәге татар һәм рус телләрендә иҗат итүче конкурсантлар катнашты. Нәтиҗәләр яшь категорияләренә карап шигърият һәм проза өлкәләрендә ясалды.  ... Дәвамын укырга »

«Белем радиосы» кастинг уздыра!

Катнашучылар: 14–20 яшьтәге укучы балалар һәм яшьләр.
Нинди һөнәр буенча: радио алып баручысы.
Вакыты: 20 апрельдән 22 майга кадәр.
Кастинг 2 этаптан узачак: дистанцион – 20 апрель–15 май;  финал – 20–21 май.  ... Дәвамын укырга »

Хөрмәтле китап сөюче дуслар!

2023 елның 1-21 апрель көннәрендә үткәрелгән XXIII #әдәбимарафон проектында катнашырга теләк белдереп 1200 гә якын гариза кабул ителгән иде.

Алдына максат куйган китап сөючеләрнең күбесе финалга барып җитте һәм ВКонтакте социаль челтәрен 22 меңгә якын файдалы һәм кызыклы әдәби әсәрләрдән һәм шигырьләрдән өзекләр белән баетты. Сезгә әлеге финалистларның исемлеген тәкъдим итәбез!  ... Дәвамын укырга »

24 апрель көнне «Белем радиосы» «Әкият» курчак театрында татар теленнән олимпиадада катнашучылар белән очрашу үткәрде. Олимпиадага Пенза, Киров, Омск, Төмән һәм башка төбәкләрдән килгән 430 укучы «Белем радиосы» белән якыннанрак танышты. «Татнетны үстерү фонды» коммерцияле булмаган оешмасының башкаручы директоры Гатауллин Р.М. тарафыннан радионың кыскача презентациясе уздырылды.  ... Дәвамын укырга »

Хөрмәтле китап сөючеләр! Кичә, 18 апрель көнне, Татарстан Язучылар берлегенең чираттагы идарә утырышы узды һәм анда республикабызның Язучылар берлегенә яңа әгъзалар кабул ителде. Шулар арасында безнең актив әдәби марафончыбыз - Гүзәл Ибраһим кызы Галләмова да бар! 

Бүгенге көндә Гүзәл Галләмова - публицистик язмалар тупланган "Ямьлисе иде тормышны" китабы, "Сәхнәле балачак", "Яшьнәтик әле яшьлекне!", "Канатлар куя сәхнә!", сценарийлар җыентыклары; "Ялгыз көймә", "Түз, йөрәк!", "Ызандашлар" әдәби әсәр басмалары авторы.  ... Дәвамын укырга »

Бүген, 17 апрель көнне, “Татнетны үстерү фонды” коммерцияле булмаган оешмасының башкаручы директоры Гатауллин Р.М. җитәкчелегендә "Белем радиосы" (https://radio.belem.ru) командасы (Хисмәтова Л.К. – тапшыруларны эфирга чыгаручы редактор, Мансурова Р.Н. - программалар редакторы, Рәшитова Г.Р. - SMM-менеджер һәм тапшырулар алып баручы) Татарстан Республикасының Әлмәт һәм Сарман районнарында мәктәп укучылары, укытучылар, китапханәчеләр, журналистлар белән файдалы һәм нәтиҗәле очрашулар уздырды.  ... Дәвамын укырга »

Бүген, 10 апрель көнне, «Белем Радиосы» (https://radio.belem.ru) командасы Мамадыш районының «Квантум» балалар иҗаты үзәгендә кызыклы очрашу уздырды.

Әлеге очрашуда тагын кемнәр катнашты диярсез? Менә алар: "Ялкын" журналы, «Кәеф» блогерлар медиамәктәбе һәм ТР Язучылар берлеге.

Бүген балалар, «Белем радиосы» һәм «Кәеф» блогерлар медиамәктәбе белән якынрак таныштылар, каләм тибрәтүчеләргә шагыйрь һәм прозаик Марат Закир, шулай ук Раил Гатауллин киңәшләрен бирделәр.  ... Дәвамын укырга »

3 апрель көнне «Белем радиосы» (https://radio.belem.ru) хезмәткәрләре Татарстан Республикасы Апас муниципаль районы «Каратун урта гомуми белем бирү аерым фәннәрне тирәнтен өйрәнү мәктәбе»ндә 8 нче һәм 10 нчы сыйныф укучылары, шул исәптән яшь #ӘДӘБИМАРАФОНчылар белән дә, очрашу уздырды.

Әлеге очрашуда «Белем радиосы» белән таныштыру, журналист киңәшләре, сәхнә осталыгы һәм интервью алу буенча мастер-класслар үткәрелде.  ... Дәвамын укырга »