 |
2024 нче ел – Россиядә гаилә елы дип игълан ителде. Гаилә – тормышның нигезе, дәүләтнең киләчәге. Тату гаиләләрдә генә тырыш, уңган, тәүфыйклы, акыллы балалар үсә. 3 нче май көнне Түбән Көек мәктәбендә 5 нче сыйныф укучылары, аларның әти-әниләре белән үткән «Гаиләм – җылы кояшым» дип аталган чарада нәкъ менә шундый күркәм сыйфатлары булган гаиләләр катнашты. «Гаилә ядкарьләре», «Уеннан-уймак», «Файдалы киңәш», «Гаҗәпләндерик әле», «Матур теләкләр» номинацияләрендә чыгыш ясап, гаиләләр үзләренең иң олы таяныч, иң ышанычлы сыеныр урын булуын тагын бер кат расладылар. Чараны 5 нче сыйныф җитәкчесе Фәтхрахманова Эльвера Мансур кызы әзерләп үткәрде. |
