2015 нче елның 3 нче гыйнварында Түбән Көек урта гомуми белем бирү мәктәбенең кышкы лагеренда Җиңүнең 70 еллыгына багышлап «Күңелле стартлар» уены үткәрелде. Һәр укучы әлеге уенда бик теләп катнашты. Уеннар берсеннән-берсе күңелле, үзенчәлекле һәм мавыктыргыч булды. Укучылар арасында әлеге темага багышланган рәсем конкурсы үткәрелде. Бүгенге көн укучыларыбыз өчен аеруча да күңелле узды.