VII Дөньякүләм "Әдәби марафон" (#әдәбимарафон) проектында актив катнашкан хөрмәтле китап укучылар!

Марафонның үткәрелүе һәм аның кагыйдәләре турында без 25 март көнне игълан иткән идек (http://tat-i.net/tt/adabimarafon-7). Ә 1 - 21 нче апрель көннәрне ВКонтакте һәм Инстаграм (чит илләрдән катнашучылар өчен) социаль челтәрләрендә #әдәбимарафон онлайн-проекты барды. Үзендә яхшы гадәт - китап уку гадәтен формалаштырырга 1370 кеше алынган булса да, аларның кайберләре финал ахырына кадәр барып җитә - үзләрендә көч табып җиткезә алмадылар.

"Әдәби марафон" (#әдәбимарафон) проекты Татарстан китап нәшрияты һәм Татнетны үстерү фонды тарафыннан 2017 нче елдан башлап оештырылып үткәрелә. Проектның идея авторы һәм алып баручысы - Гатауллин Раил Мәүлет улы.  

"Әдәби марафон" проекты кешеләрдә яхшы гадәт - китап уку гадәтен тәрбияли, татар әдәбиятына мәхәббәт уята, кешенең рухын үстерә, үзконтрольне ныгыта, тайм-менеджмент нигезләренә өйрәтә, коммуникативлыкны арттыра, игътибарлы һәм гадел булырга өнди, яңа дуслар табу мөмкинлеген бирә, кешеләрне итәгатьлерәк һәм әдәплерәк итә һәм, алга максатлар куеп, аларга ирешергә өйрәтә торган проект.

Проектны уңышлы үткән финалистлар 15 нче май көнне Казан шәһәренең УНИКС концертлар залына чакырулы. Тантана 11:00 сәгатьтә башланып китәчәк.

Тантанада китап укучылар белән очрашуга танылган язучылар, шагыйрьләр, Г.Тукай премиясе лауреатлары, телевидение һәм матбугат чакырулы. Чара барышында автограф-сессияләр, танылган шәхесләр белән фотосессияләр оештырылачак, проект авторыннан зур булмаган татарча тренинг үткәреләчәк. Һәм, әлбәттә, финалистларны сәхнәдә бүләкләү тантанасы үткәреләчәк.

VII Дөньякүләм "Әдәби марафон" (#әдәбимарафон) финалистлары турындагы мәкаләнең дәвамы...

Чыганак: http://tat-i.net/tt/node/158