2022 нче елның 20 нче декабрендә XVII Спартакиада кысасында уздырылган бадминтон ярышында Түбән Көек төп гомуми белем мәктәбе укучылары командасы тугызьеллык мәктәпләр арасында 3 нче урын алды. Укучыбыз Гыймранова кызлар арасында III урынны яулады, аңа медаль һәм грамота тапшырылды.

... Дәвамын укырга »

2022 нче елның 18 нче декабрендә Казан шәһәренең «Пирамида» мәдәни-күңел ачу комплексында дүрт бәйгенең финалистларын һәм җиңүчеләрен бүләкләү тантанасы узды. «Белем җәүһәрләре» Дөньякүләм интернет-проектлар бәйгесенең «Мәгариф, фән, белем һәм милли тәрбия өлкәләрендә иң файдалы һәм популяр интернет-проект» номинациясендә уңышлы катнашкан Түбән Көек төп гомуми белем мәктәбе сайты 3 нче урын алды, диплом белән бүләкләнде.

... Дәвамын укырга »

«Белем.ру» җаваплылыгы чикләнгән җәмгыяте «Татнетны үстерү фонды» коммерцияле булмаган оешмасы белән берлектә «Пиксель һәм нокта» республикакүләм иҗади эшләр конкурсы игълан иткән иде. Өч юнәлештә үткәрелгән әлеге бәйгегә кабул ителгән эшләр арасыннан 6 җиңүче һәм 12 дипломант сайлап алынды. Түбән Көек төп гомуми белем мәктәбе укучысы Мөхәмәтгалиев Ф. әлеге бәйгенең дипломанты булды. Аны чын күңелдән котлыйбыз!

... Дәвамын укырга »

2022 нче елның 13-14 нче декабрендә Түбән Көек төп гомуми белем мәктәбенең тарих һәм җәмгыять белеме укытучысы Хәбибуллин Рамиль Шамил улы «Россия Ел укытучысы» Бөтенроссия конкурсының муниципаль этабында катнашты. Ул ачык дәрес һәм мастер-класс күрсәтте. Укытучыбыз уңышлы чыгыш ясады һәм дипломант булды. Аны чын күңелдән котлыйбыз!

... Дәвамын укырга »

2022 нче елның 10 нчы декабрендә 2007 нче елгы һәм яшьрәкләр арасында үткәрелгән волейбол буенча Спорт мәктәбе беренчелегенә ярышта Түбән Көек төп гомуми белем мәктәбенең кызлар командасы IV урын алды һәм грамота белән бүләкләнде.

... Дәвамын укырга »

2022 нче елның 10 нчы декабрендә Йошкар-Ола шәһәрендә билбау көрәше буенча Марий Эл Республикасы Кубогына ярышлар узды. Түбән Көек төп гомуми белем мәктәбе укучысы Йосыфов үз авырлыгында 3 нче урын яулады, медаль һәм диплом белән бүләкләнде.

... Дәвамын укырга »

2022 нче елның 6 нчы декабрендә Түбән Көек авылында урнашкан төп гомуми белем мәктәбен үз эченә алган социаль үзәк ачылуга ундүрт ел тулды. 2008 нче елның 6 нчы декабрендә урта гомуми белем бирү мәктәбен үз эченә алган социаль үзәкне ачуга Татарстан Республикасының Беренче Президенты Минтимер Шәрип улы Шәймиев килгән иде.

... Дәвамын укырга »

2022 нче елның 28 нче ноябрендә Түбән Көек төп гомуми белем мәктәбендә шаулап-гөрләп Әниләр бәйрәме узды. Мәктәпнең театр түгәрәгенә йөрүчеләр Абдулла Әхмәтнең «Үги кыз» әкиятен сәхнәләштерделәр. Бәйрәм кичәсендә укучыларыбыз үзләренең җыр-моңнарын, дәртле биюләрен әниләренә тапшырдылар. Укучылар тарафыннан әзерләнгән бәйрәм кичәсен әниләр бик җылы кабул иттеләр.

... Дәвамын укырга »

2022 нче елның 28 нче ноябрендә Түбән Көек төп гомуми белем мәктәбендә шәфкатьлелек ярминкәсе үтте. Укучылар шул рәвешле шәфкатьлелек марафонына үз өлешләрен керттеләр. Һәр сыйныф өйдә пешкән ризыклар белән сату итте. Ярминкә, гадәттәгечә, әниләребездән башка узмады. Балаларына теләктәшлек белдереп ярдәм иткәннәре өчен әниләргә рәхмәт.

... Дәвамын укырга »

«Укучы әни – укучы ил» республика конкурсының муниципаль этабында Түбән Көек төп гомуми белем мәктәбе укучылары Кадыйрова һәм Мөхәмәтгалиев «Әни укый» номинациясендә 3 нче урынны яуладылар, район мәгариф бүлегенең грамотасы белән бүләкләнделәр.

... Дәвамын укырга »

2022 нче елның 27 нче октябрендә Түбән Көек төп гомуми белем мәктәбендә Уңыш бәйрәме үткәрелде. Укучыларыбыз, командаларга бүленеп, үзләренең уңганлыкларын күрсәттеләр.

... Дәвамын укырга »

Бүген мәктәбебездә тарих фәннәре кандидаты якташыбыз Тәэминә апа Биктимированың «Шимберем – олы тарих эзләрендә» дип аталган китабын тәкъдир итү кичәсе булды. Кичәдә Татарстанның атказанган укытучысы, фенолог, төбәгебез белгече Нигъмәтҗанов Габдуллаҗан абый да катнашты. Тәэминә апаның авылдашы Татарстан Республикасы яшьләр сәясәтенең атказанган хезмәткәре Зарипова Зөлфирә апа да чакырылган иде. Кичә бик матур һәм эчтәлекле булды. Без шундый якташларыбыз булуы белән ихлас күңелдән горурланабыз.

... Дәвамын укырга »

5 нче октябрь – Халыкара укытучылар көне уңаеннан мәктәбебезгә шушы мәктәптә эшләп лаеклы ялга чыккан ветеран укытучыларыбыз кунакка чакырылды. Бәйрәмдә укучылар тарафыннан концерт, бәйге оештырылды. Бәйрәм табын артында дәвам итте.

... Дәвамын укырга »