2011 нче елның 1 нче июненнән 20 нче июненә кадәр Түбән Көек урта мәктәбе каршында "Йолдызчык” ял, сәламәтләндерү һәм хезмәт лагере эшләде. Лагерьга 11 бала йөрде. Алар белән 2 вожатый – Фәтхрахманова Эльвера Мансур кызы, Шәйхиева Гөлнара Тәлгать кызы, тел белгече – Хәсбиуллина Гөлназ Кәрам кызы, лагерь начальнигы – Шакирова Фаилә Фоат кызы эшләде. Балаларны һәр көнне кайнар һәм тәмле ашлар белән пешекче Сәйфетдинова Рауза сыйлады.
Балалар мәктәп музеенда, Күәм урта мәктәбендәге Самат Шакир музеенда, Арча шәһәрендәге тарихи-этнографик "Казан арты” һәм Әдәби музейларда булдылар. Балалар өчен аеруча да истәлеклесе булып Казан шәһәренә курчак театрына бару булды. Ашыт елгасына, Изгеләр каберлегенә булган сәяхәтләр дә аларга бик ошады.
"Йолдызчык” сәламәтләндерү лагере белән саубуллашу кичәсе "Дуслык учагы” янында оештырылды.
"Йолдызчык” ял, сәламәтләндерү һәм хезмәт лагерына кагылышлы башка фотоларны Фотоальбомнарның Мәктәп яны лагеры бүлегеннән карый аласыз. Рәхим итегез!
|
