 |
2023 нче елның 25 нче мартында Түбән Көек төп гомуми белем мәктәбе базасында «Без бергә» халык иҗаты республика балалар фестиваленең муниципаль этабы узды. Районыбызның сәләтле, талантлы балалары җыйналып, сәнгатьнең төрле юнәлешләрендә көч сынаштылар. Шулай ук «Россия сувенирлары» күргәзмәсе оештырылды, андагы декоратив-гамәли эшләнмәләр дә бәяләнде. Фестивальгә йомгак ясап жюри сәләтле балаларны билгеләп үтте. Бүләкләнүчеләр арасында безнең укучыларыбыз да бар.
«Без бергә» халык иҗаты республика балалар фестиваленең район этабын уздыруда актив катнашкан, барлык килгән катнашучыларны кабул иткән, техник якны камилләштерүгә үзеннән зур өлеш керткән Түбән Көек төп гомуми белем мәктәбе коллективына, мәктәп директоры Сөмбел Мулланур кызы Кадимовага, укытучы Хисмәтуллин Илнур Рәхимҗан улына Әтнә районы башкарма комитетының «Мәгариф бүлеге» җитәкчесе Рафис Рәфкать улы Фатыхов рәхмәт белдерде.
|
