Лагерьда 7 нче көн. «Балалар куркынычсызлыгы көне» уңаеннан «Юл кагыйдәләрен беләсеңме?» исеме астында конкурс-викторина узды. Бөек Җиңүнең 70 еллыгын каршылау уңаеннан «Оста куллар» түгәрәгендә канәфер чәчәкләре ясадык. Мәктәп яны тәҗрибә участогында да эшләп, мускулларыбызны ныгыттык.

Лагерьның 5 нче көне дә килеп җитте. Бүгенге көн «Бөтендөнья әйләнә-тирә мохитне саклау көне» буларак истә калыр мөгаен. Шушы уңайдан презентация карадык, башваткычлар чиштек, шигырьләр укыдык. Соңыннан шушы темага рәсем конкурсы узды. Молодцы, балалар!

2014 нче елның 1 нче июнендә Түбән Көек урта гомуми белем бирү мәктәбе каршындагы «Йолдызчык» мәктәп яны лагере чираттагы эшен башлап җибәрде. 1 нче көн – 1 нче июнь. Көнебез тулаем «Балаларны яклау көне»нә багышланды.

Хөрмәтле укытучылар, укучылар һәм аларның әти-әниләре!

Түбән Көек урта гомуми белем бирү мәктәбе коллективы сезне «Соңгы кыңгырау» бәйрәме белән тәбрикли.

Чыгарылыш сыйныф укучыларына шатлык-сөенечләр, зурдан-зур уңышлар, бәхет, дәүләт имтиханнарын бик яхшы билгеләргә биреп, теләгән уку йортларына керүләрен тели.

2014 нче елның 12 нче маеннан 16 нчы маена кадәр «Байтик» балаларны сәламәтләндерү компьютер лагере базасында «Яшь программист» XVIII Республика конкурсының (XVIII Республиканский конкурс «Юный программист» среди учащихся общеобразовательных организаций и обучающихся профессиональных образовательных организаций Республики Татарстан) өченче этабы узды. Анда Түбән Көек урта гомуми белем бирү мәктәбенең 10 нчы сыйныф укучысы Кадимова Надия Хәмит кызы (җитәкчесе Хисмәтуллин Илнур Рәхимҗан улы) «Программа продуктлары» номинациясендә чыгыш ясады.

Бөек Җиңү бәйрәме уңаеннан, 2014 нче елның 8 нче маенда Түбән Көек авылы һәйкәле янында митинг булды. Анда сугыш һәм тыл ветераннары чакырылды. Соңыннан башлангыч сыйныф укучылары авылдагы бердәнбер сугыш ветераны Наҗия апа белән очраштылар.