| 2012 нчы елның 26 нчы ноябрендә Түбән Көек урта гомуми белем бирү мәктәбендә Шәфкатьлелек ярминкәсе узды, Әниләр көне билгеләп үтелде. Бәйрәмне 8 нче сыйныф укучылары һәм аларның җитәкчесе Зарипова Рүзия Сәлих кызы оештырды.
|
Кадерле әниләр! Сезне бәйрәмегез белән тәбрик итәбез. Сезгә җан тынычлыгы, тән сихәтлеге, озын гомер, бәхет телибез. Тормышларыгыз матур, йөзләрегез көләч булсын!
Чәчәк букетлары бүләк итсәк,
Чәчәк букетлары корыр ул.
Йөрәк җылыбызны бүләк иттек,
Югалтмассыз, мәңге торыр ул.
«Әнкәйләргә» Алмаз Закиров музыкасы, Рәфис Фазылҗанов сүзләре.
Онытмагыз аналарны!
Әй хәтирә, хәтер баласы,
Һәр көн саен атлап кая барасың?
Тормышта бит хәзер бик күпләре
Онытып бара газиз анасын.
Ана кеше уйламыйча агын, карасын
Календарьнең тугыз аен саный-саный
Күңел дәфтәренә мизгелләрен тезә-тезә,
Якты дөньяга тудыра ул, баласын.
Газиз әнкәйләрнең кирәклеген
Нигә онытабыз икән иртәрәк.
Күпме көнен сиңа багышлады,
Сөеп сине, һәрчак иркәләп.
Әй белмәдем, әй күрмәдем, диеп
Уңга-сулга, карый-карый,
Бала хәтер дәфтәрендә көеп,
Кылган яхшылыкларын саный.
Бармы соң ул кылган яхшылыгың?
Бала, тыныч кына утырып, уйлап кара.
Әнкәеңә күрсәт, кадер, хөрмәт!
Гомер кыска, уйла, бала, соңга калма!
Зарипова Рүзия Сәлих кызы
Әниләр көненә кагылышлы башка фотоларны Фотоальбомнарның Әниләр көне - 2012 бүлегеннән карый аласыз. Рәхим итегез!
|
