Түбән Көек урта гомуми белем бирү мәктәбе каршында ачылган «Йолдызчык» мәктәп яны сәламәтләндерү һәм хезмәт лагереның бүгенге 6 нчы көне дә узып китте. 2015 нче елның 8 нче июне «Үз нигезең турында бел һәм сакла!» өндәмәсе астында «Исемең матур кемнәр кушкан» интеллектуаль уены, тарих фәннәре кандидаты, Татарстанның атказанган мәдәният хезмәткәре Биктимерова Тәэминә апаның «Минем шәҗәрәм» китабы буенча конференция үтте. Һәрвакыттагыча мавыктыргыч өстәл уеннары, өстәл театры, шахмат–шашка ярышлары истә калырлык булды. Мәктәп яны тәҗрибә участогында эш дәвам итте.