Түбән Көек урта гомуми белем бирү мәктәбе каршында ачылган «Йолдызчык» мәктәп яны сәламәтләндерү һәм хезмәт лагереның бүгенге 9 нчы көне «Табигатьне өйрәнәбез» исеме астында узды. «Парклар һәм скверлар» елы уңаеннан Арыга сәяхәт иттек. Агачларны, куакларны, үләннәрне, күлләрне күзәттек. Шулай ук рәхәтләнеп ял да иттек. Ары авылы балалары белән берлектә сабантуй бәйрәме үткәрдек. Көнебез сизелми дә узып китте.