Түбән Көек урта гомуми белем бирү мәктәбе каршында ачылган «Йолдызчык» мәктәп яны сәламәтләндерү һәм хезмәт лагереның 18 нче көне «Күренекле шәхесләр» исеме астында узды. 2015 нче елның 20 нче июнендә туган ягыбызның күренекле шәхесләрен барладык. Сибгат Хәким (Хәкимов Сибгат Таҗи улы) музеена интернет-сәяхәт, Күәм урта гомуми белем бирү мәктәбе бинасында урнашкан СССР Язучылар берлеге әгъзасы (1962), Татарстанның атказанган мәдәният хезмәткәре (1984), шагыйрь Самат Шакир (Шакиров Самат Фәтхрахман улы) музеена сәяхәт иттек.