2016 нчы елның 25 нче ноябрендә Түбән Көек төп гомуми белем мәктәбенең 2 нче сыйныф укучылары белән (сыйныф җитәкчесе Шакирова Венера Илгизәр кызы) «СТОП ВИЧ/СПИД» акциясе кысаларында «Шәхси гигиена кагыйдәләрен үтәү – сәламәтлекнең нигезе» дип аталган тәрбия сәгате үткәрелде.

2016 нчы елның 24 нче ноябрендә Түбән Көек төп гомуми белем мәктәбенең 8 нче сыйныф укучылары белән (сыйныф җитәкчесе Мөбәрәкшина Лилия Радик кызы) «СТОП ВИЧ/СПИД» акциясе кысаларында тәрбия сәгате үткәрелде.

2016 нчы елның 22 нче ноябрендә Түбән Көек төп гомуми белем мәктәбе укучылары белән хокук органнары вәкилләре профилактик сөйләшүләр уздырды. Укучылар өчен күп кенә файдалы киңәшләр, аңлатулар булды.

2016 нчы елның 19 нчы ноябрендә Түбән Көек төп гомуми белем мәктәбе укучылары район балалар һәм яшүсмерләр спорт мәктәбе беренчелегенә уздырылган бадминтон ярышында уңышлы чыгыш ясадылар.

2016 нчы елның 18 нче ноябрендә Түбән Көек төп гомуми белем мәктәбендә ата-аналар җыелышы узды. Җыелышта «Сәламәт яшәү серләре» темасына доклад укылды. Әти-әниләр 1 нче чирек нәтиҗәләре белән таныштылар. Ата-аналар белән имтиханнар, мәктәптә уздырылучы чаралар турында сөйләшелде.

2016 нчы елның 2 нче ноябрендә Галиәсгар Камал исемендәге Татар дәүләт Академия театрының кече залында VII Дөньякүләм «Белем җәүһәрләре» бәйгесенең җиңүчеләрен бүләкләү тантанасы үткәрелде. Тантанага бәйгенең финалистлары, жюри әгъзалары, узган еллардагы җиңүчеләр, матбугат һәм телевидение хезмәткәрләре һәм татар интернеты белән даими кызыксынган татнетчылар чакырылган иде. Бәйгенең жюри эшендә актив катнашып, Татнетның сыйфатын яхшыртуда зур өлеш керткәне өчен Түбән Көек төп гомуми белем мәктәбе укытучысы Хисмәтуллин Илнур Рәхимҗан улы Рәхмәт хаты белән бүләкләнде.

2016 нчы елның 28 нче октябрендә Түбән Көек төп гомуми белем мәктәбендә Уңыш бәйрәме узды. Бәйрәм кичәсе сәхнәләштерелгән күренеш белән алып барылды. Бәйрәмне мәктәп директоры Кадимова Сөмбел Мулланур кызы ачты. Җәй көне хезмәттә катнашкан укучылар бүләкләнде. Бәйрәм төрле конкурслар һәм концерт номерлары белән үрелеп барды.

2016 нчы елның 26 нчы октябрендә Түбән Көек төп гомуми белем мәктәбендә «Мәктәп китапханәсе көне» билгеләп үтелде. Шул уңайдан 2 нче сыйныф укучылары китапханәгә сәяхәт ясадылар. Яңа китаплар белән таныштылар. Китап турында табышмаклар чиштеләр, мәкальләр укыдылар, китапны саклап тоту кагыйдәләрен искә төшерделәр.

2016 нчы елның 20 нче октябрендә Түбән Көек төп гомуми белем мәктәбендә информатикадан район семинары узды. Темасы: «Укучыларны дәүләт йомгаклау аттестациясенә әзерләү». Район укытучылары семинарда БДИдагы үзгәрешләргә һәм 2016 нчы елгы эшләргә анализ ясадылар. 2017 нче елгы биремнәрне эшләү буенча практикум уздырылды.

2016 нчы елның 19 нчы октябрендә яшь буынга белем һәм тәрбия бирүдә нәтиҗәле эшләгәне өчен Түбән Көек төп гомуми белем мәктәбенең физкультура укытучысы Галиәхмәтов Дамир Мулланур улы район мәгариф бүлегенең Мактау кәгазе белән бүләкләнде.

2016 нчы елның 19 нчы октябрендә 2015-2016 нчы уку елында укучыларны бердәм дәүләт имтиханнарына уңышлы әзерләгәне өчен Түбән Көек төп гомуми белем мәктәбенең рус теле һәм әдәбияты укытучысы Фәтхрахманова Эльвера Мансур кызы район мәгариф бүлегенең Рәхмәт хаты белән бүләкләнде.