2016 нчы елның 19 нчы декабрендә китапханәче Әхмәдуллина Эльмира 1 нче сыйныф укучыларын кунакка чакырды. Ул китапханә һәм андагы китаплар белән таныштырды, китапларны саклап тоту кагыйдәләрен аңлатты. Балалар төрле кызыклы сорауларга һәм табышмакларга җавап бирделәр, уеннар уйнадылар. Соңыннан китапханәче истәлекле бүләкләр тапшырды.

1967 нче елның 9 нчы декабрендә Казан циркының яңа бинасын ачу тантанасы була. Борынгы Кремль калкулыгында урнашкан бөтен халыкны үзенә җәлеп итеп торган «оча торган тәлинкә» хәзерге заман шәһәр йөзенең тартып алгысыз, үзенчәлекле төп билгесе булып тора.
Бүген сәнгать укытучысы Зарипова Рүзия Сәлих кызы җитәкчелеге белән оештырылган укучыларыбызның чыгышлары, цирк номерлары белән тамашачыларны әсир иттеләр. Чыгыш ясаган балалар үзләрен бер мизгелдә генә булса да аренадагы артистлар кебек тоттылар.

2016 нчы елның 13 нче декабрендә тарих һәм җәмгыять белеме укытучысы Хәбибуллин Рамиль Шамил улы тарафыннан Кеше хокуклары көне билгеләп үтелде, 5-8 нче класс укучылары катнашында «Яшәеш һәм хокук» дип исемләнгән уен-викторина оештырылды.

2016 нчы елның 12 нче декабрендә Түбән Көек төп гомуми белем мәктәбендә китапханәчеләр тарафыннан Татарстанның халык шагыйре, публицист, җәмәгать эшлеклесе, Татарстанның Габдулла Тукай исемендәге дәүләт премиясе иясе якташыбыз Сибгат Хәкимнең (Хәкимов Сибгат Таҗи улы) тууына 105 ел тулу уңаеннан «Туган як – мәңгелек моңым» дип исемләнгән әдәби кичә уздырылды.

Түбән Көек төп гомуми белем мәктәбе планы нигезендә, тәҗрибә уртаклашу максатыннан, график буенча ачык дәресләр башланды. Беренче ачык дәрес 4 нче сыйныфта инглиз теле булды. Укытучысы Зарипова Чулпан Әмир кызы.

2016 нчы елның 9 нчы декабрендә Түбән Көек төп гомуми белем мәктәбендә коррупциягә каршы көрәш көне уңаеннан сыйныф сәгатьләре узды. Укучыларыбыз коррупцияне тәнкыйтләп рәсем, плакатлар ясадылар.

2016 нчы елның 8 нче декабрендә Түбән Көек төп гомуми белем мәктәбендә татар әдибе, прозаик һәм драматург, Татарстан Республикасының Габдулла Тукай исемендәге Дәүләт премиясе лауреаты, Татарстан Республикасының халык шагыйре Әхсән Баянның (Әхсән Фәтхелбаян улы Баянов) туган көне искә алынды. Башлангыч сыйныф укучылары тарафыннан эчтәлекле һәм файдалы сценарий тәкъдим ителде. 

2016 нчы елның 6 нчы декабрендә инвалидлар ункөнлеге кысаларында Түбән Көек төп гомуми белем мәктәбе укытучы Абдуллина Гөлназ Газиз кызы тарафыннан «Изгелек ул – беркайчан да тузмый торган хәзинә» исеме астында класстан тыш чара уздырылды.

2016 нчы елның 6 нчы декабрендә Түбән Көек авылында урта гомуми белем бирү мәктәбен үз эченә алган социаль үзәк ачылуга сигез ел тулды. 2008 нче елның 6 нчы декабрендә социаль үзәкне ачуга Татарстан Республикасының Беренче Президенты Минтимер Шәрип улы Шәймиев килгән иде.

Декабрь ае – шәфкатьлелек ае. Мәктәбебездә дә шәфкатьлелек акциясе башланып китте. Матур традиция буенча Түбән Көек төп гомуми белем мәктәбендә 30 нчы ноябрь һәм 1 нче декабрьдә хәйрия ярминкәсе узды.

2016 нчы елның 28 нче ноябрендә Түбән Көек төп гомуми белем мәктәбендә шаулап-гөрләп Әниләр бәйрәме узды. Укучылар тарафыннан әзерләнгән бәйрәм кичәсен әниләр бик җылы кабул иттеләр. Бәйрәм кичәсендә укучыларыбыз үзләренең җыр-моңнарын, дәртле биюләрен әниләренә тапшырдылар. Мәктәпнең театр түгәрәге дә читтә калмады, үзләренең чыгышлары белән бәйрәм кичәсен тагын да җанландырып җибәрделәр. Ә иң соңыннан әниләргә, балалар үзләренең күңел җылысы белән эшләгән, чәчәкләр бүләк иттеләр.