2016 нчы елның 23 нче июнендә Түбән Көек урта гомуми белем мәктәбе каршында ачылган мәктәп яны ял лагере ябылу тантанасы булды. Балалар шулай ук саф һавада шашлык ашадылар. Ә соңыннан линейка булды һәм флаг төшерелде. Балалар канәгать булып өйләргә таралдылар.

2016 нчы елның 21 нче июне − Түбән Көек урта гомуми белем мәктәбе каршында ачылган мәктәп яны ял лагереның 19 нчы көне. Бүгенге көн «Әхлаклылык көне» буларак билгеләп үтелде. Иртәнге линейкада көн дәвамында үзебезне әхлаклы тоту, матур сүзләр белән генә сөйләшү турында килештек. Спортзалга кергәндә үк балалар «тәмле сүзләр» әйтеп керделәр. «Корзина добрых слов» уены уздырылды. Бу уенда Галиәхмәтовага тиңнәр булмады.

2016 нчы елның 20 нче июне − Түбән Көек урта мәктәбе каршында ачылган мәктәп яны ял лагереның 18 нче көне. Бүгенге көн «Әкиятләр иленә сәяхәт» исеме астында үтте. Әкиятләр турында сөйләштек, викторина уздырдык. «Минем яраткан героем» дигән рәсем конкурсы үткәрелде. Иң матур рәсем ясаучы Җиһаншина булды.

2016 нчы елның 17 нче июнендә Түбән Көек урта мәктәбе каршында ачылган мәктәп яны ял лагерена йөрүчеләр информатика түгәрәгендә булдылар. Шулай ук полиция хезмәткәре белән очраштылар, «Сәламәтлек көне»нә әзерләнделәр.

2016 нчы елның 16 нчы июнендә Түбән Көек урта мәктәбе каршында ачылган мәктәп яны ял лагеренда «Хәтер көне» булып үтте. Укучылар һәйкәлдә булдылар, сугыш ветераны Наҗия апа белән очраштылар, үзләрен кызыксындырган сорауларын бирделәр.

2016 нчы елның 15 нче июне − Түбән Көек урта мәктәбе каршында ачылган мәктәп яны ял лагереның 13 нче көне. Бүгенге көн аеруча истә калыр, мөгаен. «Экологик сукмак» исеме астындагы көнебез шау-гөр килеп башланып китте. Чөнки табигатькә экскурсиягә, балык тотып уха пешерергә җыенабыз бит. Автобус юк дип аптырап утырмадык, җаен таптык бит тәки. Табигатьтә ял да иттек, балык шулпасы да пешереп ашадык. Бик шәп булды бу!!!! 

Түбән Көек урта мәктәбе каршында ачылган мәктәп яны ял лагереның 12 нче көне дә шаулап-гөрләп үтеп китте. Бүгенге көн «Тукайны искә алу көне» буларак билгеләп үтелде. Иртәнге линейкадан соң тәмләп ашап-эчеп алгач, сәяхәткә кузгалдык. Кырлай − Арча − Кушлавыч маршруты буенча күңелле, файдалы экскурсия ясалды.

2016 нчы елның 13 нче июнендә Түбән Көек урта мәктәбе каршында ачылган мәктәп яны ял лагеренда Россия көне уңаеннан укучылар гаилә гербы ясадылар. Шулай ук математика түгәрәгендә эрудит-математиклар конкурсы үткәрелде. Конкурста «Зирәкләр» һәм «Тапкырлар» командалары көч сынашты. 

Сабантуй бәйрәме − татар халкының иң олы бәйрәмнәренең берсе. Ул − хезмәт һәм дуслык бәйрәме. Татар халкының гореф-гадәтләренә тугъры калып, без дә үзебезнең мәктәп лагеренда бу бәйрәмне оештыруны күркәм бер традициягә әйләндереп барабыз. 12 нче июнь көнне шаулап-гөрләп Сабантуй үтте.

Түбән Көек урта мәктәбе каршында ачылган мәктәп яны ял лагереның 9 нчы көне «Кино көне» буларак билгеләп үтелде. Балалар өчен төшерелгән кинолар карадык, андагы җырларны өйрәндек. Төшке аштан соң «Оста куллар» түгәрәгендә шөгыльләндек, хәрәкәтле уеннар да уйнадык.