Татар әдәбиятыннан республика олимпиадасы призеры әзерләгәне өчен Түбән Көек урта гомуми белем мәктәбенең татар теле һәм әдәбияты укытучысы Галиәхмәтова Гөлшат Наил кызы район мәгариф бүлегенең Рәхмәт хаты белән бүләкләнде.

Бөек Җиңүнең 71 еллыгы уңаеннан, 2016 нчы елның 7 нче маенда Түбән Көек авылы һәйкәле янында митинг булды. Анда сугыш һәм тыл ветераннары чакырылды. Түбән Көек урта гомуми белем мәктәбе укучылары Җиңү көненә багышлап чыгыш ясадылар. Митинг сугыш елларында һәлак булган сугышчылар хөрмәтенә куелган һәйкәлгә венок кую белән тәмамланды.

2016 нчы елның 29 нчы апрелендә Казан милли эзләнү технология университеты (КНИТУ) уздырган «Вперед – в прошлое - 2016» иҗади конкурсында Түбән Көек урта гомуми белем мәктәбе укучысы Галиәхмәтова III урын алды (җитәкчесе татар теле һәм әдәбияты укытучысы Галиәхмәтова Гөлшат Наил кызы).

Бөтендөнья сәламәтлек саклау оешмасы башлангычы белән 25-30 нчы апрель көннәрендә Россиядә, шул исәптән Татарстанда да, Европа иммунизация атналыгы уздырыла. Шул уңайдан Әйшияз авылы фельдшеры Хафизова Лидия Түбән Көек урта гомуми белем мәктәбенең 1 нче сыйныф укучылары белән иммунология дәресе уздырды. 

2016 нчы елның 28 нче апрелендә Габдулла Тукайның тууына 130 ел тулу уңаеннан Түбән Көек урта гомуми белем мәктәбенең башлангыч сыйныф укучылары тарафыннан шагыйрьнең «Кәҗә белән Сарык» әкияте сәхнәләштерелде.

2016 нчы елның 27 нче апрелендә Габдулла Тукайның тууына 130 ел тулу уңаеннан Түбән Көек урта гомуми белем мәктәбенең 5 нче сыйныф укучылары өчен сыйныф җитәкчесе Гиниятов Илшат Сәлахетдин улы тарафыннан «Тукай эзләре буйлап» дигән темага тәрбия сәгате үткәрелде.

2016 нчы елның 26 нчы апрелендә Түбән Көек урта гомуми белем мәктәбенең Туган якны өйрәнү музеенда (җитәкчесе тарих укытучысы Хәбибуллин Рамил Шамил улы) Габдулла Тукайның тууына 130 ел тулу уңаеннан күргәзмә оештырылды. Мәктәбебез укучыларына аның тормыш юлы, иҗатына бәйле тарихи фактлар җиткерелде.

2016 нчы елның 26 нчы апрелендә Түбән Көек урта гомуми белем мәктәбенең 1 нче сыйныф укучылары (сыйныф җитәкчесе Шакирова Венера Илгизәр кызы) китапханәдә Габдулла Тукайның туган көнен билгеләп үттеләр. Китапханәчеләр Шәрәфиева Гөлфия һәм Әхмәдуллина Эльмира күргәзмә белән таныштырдылар. Укучылар үзләре өйрәнгән шигырьләрен сөйләделәр.

2016 нчы елның апрель аенда Түбән Көек урта гомуми белем мәктәбендә Габдулла Тукайның 130 еллыгы уңаеннан, авторның әсәрләренә иллюстрацияләрдән күргәзмә оештырылды. Бу чарада башлангыч сыйныф укучылары катнашты.

2016 нчы елның 22 нче апрелендә Түбән Көек урта гомуми белем мәктәбендә татар халкының бөек шагыйре, татар әдәбияты классигы, әдәби тәнкыйтьче, публицист Габдулла Тукайның тууына 130 ел тулу уңаеннан «Тукай ― халык көзгесе» дигән әдәби кичә һәм Тукай иҗаты буенча эзләнү эшләре алып барган өлкән укытучы Нигъмәтҗанов Габдуллаҗан Сәлихҗан улы белән очрашу булды.

Түбән Көек урта гомуми белем мәктәбендә «Мәрхәмәтле Татарстан» акциясе дәвам итә. 1 нче сыйныф укучылары белән, 22 нче апрель – Халыкара Җир көненә карата, «Туган Җиребезне саклыйк» исеме астында әйләнә-тирә дөнья дәресе үткәрелде.