Профориентация айлыгы кысаларында Түбән Көек урта гомуми белем мәктәбенең башлангыч сыйныф укучылары тарафыннан «Хезмәт кешесенә – хөрмәт» темасы астында рәсемнәр күргәзмәсе оештырылды.

2016 нчы елның 18 нче мартында Түбән Көек урта гомуми белем мәктәбенең технология укытучысы Зарипова Рүзия Сәлих кызы һәм инглиз теле укытучысы Зарипова Чулпан Әмир кызы тарафыннан «Мәңге дөрлә һәм җылыт син, гаилә учагы!» дип исемләнгән очрашу үткәрелде.

Очрашып бер утырулар,
Гомернең бизәкләре.
Хушлашу мизгелләре,
Өзәдер үзәкләрне.

2016 нчы елның 18 нче мартында Түбән Көек урта гомуми белем мәктәбе китапханәсендә мәктәп һәм авыл китапханәчеләре Шәрәфиева Гөлфия, Әхмәдуллина Эльмира тарафыннан һөнәр сайлау почмагы булдырылды. 7 нче сыйныф укучылары белән очрашып, төрле һөнәр ияләре турында мәгълүмат бирелде. Авыл китапханәчесе Әхмәдуллина Эльмира тарафыннан Түбән Көек мәктәбендә озак еллар укытучы булып эшләгән Минһаҗ Кашаповның «Без – Тукайлы халык» исемле китабы тәкъдим ителде.   

2016 нчы елның 18 нче мартында профориентация айлыгы уңаеннан Түбән Көек урта гомуми белем мәктәбенең 1 нче сыйныф укучылары «Безнең мәктәп күршесендә нинди һөнәр ияләре эшли» исемле класс сәгате үткәрделәр (сыйныф җитәкчесе Шакирова Венера Илгизәр кызы).

2016 нчы елның 17 нче мартында Түбән Көек урта гомуми белем мәктәбенең 4 нче сыйныф укучылары Түбән Көек авылының фельдшеры Гыйниятуллина Рузалия апа белән очраштылар. Рузалия апа балаларга үзенең авыр һәм җаваплы хезмәте турында сөйләде. Укучылар үзләрен кызыксындырган сорауларга җавап алдылар.

2016 нчы елның 16 нчы мартында 2 һәм 3 нче сыйныф укучылары мәктәп остаханәсенә экскурсиягә керделәр. Технология укытучысы Гыйниятов Илшат абыйлары укучыларны мондагы эш кораллары белән таныштырды, остаханәдә нәрсәләр эшләп булуын сөйләде. Балалар экскурсиядән канәгать калдылар.

2016 нчы елның 16 нчы мартында профориентация айлыгы уңаеннан Түбән Көек урта гомуми белем мәктәбенең 3 нче сыйныф укучылары «Мин кемгә охшарга телим» исемле класс сәгате үткәрделәр (сыйныф җитәкчесе Шәйхиева Гөлнара Тәлгать кызы). Класс сәгатенә алдынгы комбайнчы Шәйхиев Рәис абыйлары чакырылды. Балалар аннан комбайнчы һөнәре турында сөйләттеләр, үзләрен кызыксындырган сорауларны бирделәр.

2016 нчы елның 16 нчы мартында Түбән Көек урта гомуми белем мәктәбенең 1 нче сыйныф укучылары профориентация айлыгы кысаларында «Безнең мәктәптә кемнәр эшли» темасы астында мәктәп буйлап экскурсия ясадылар. Укучылар пешекчеләр, китапханәчеләр, техник хезмәткәрләр белән очраштылар һәм үзләрен кызыксындырган сорауларга җавап алдылар. Алар укучыларга үзләренең һөнәрләре, уңышлары турында сөйләделәр.

Түбән Көек урта гомуми белем мәктәбенең 7 нче сыйныф укучылары профориентация айлыгы кысаларында Түбән Көек авылының алдынгы, югары категорияле фельдшеры Гыйниятуллина Рузалия белән очраштылар. Ул укучыларга үзенең һөнәре, уңышлары турында сөйләде.

2016 нчы елның 11 нче мартында Түбән Көек урта гомуми белем мәктәбенең 6 нчы сыйныф укучылары профориентация айлыгы кысаларында тарих һәм җәмгыять белеме укытучысы Хәбибуллин Рамил җитәкчелегендә элемтә бүлеге, кибетче эшенең нечкәлекләре белән танышу максатыннан экскурсиядә булдылар. Кибетче Флюра апа балаларга: «Эшне яратып эшләсәң, һәрбер эш тә үзенә күрә яхшы!», – дип киңәшен бирде.