Түбән Көек урта гомуми белем мәктәбе китапханәсендә мәктәп һәм авыл китапханәчеләре Шәрәфиева Гөлфия, Әхмәдуллина Эльмира тарафыннан «Һөнәрле үлмәс, һөнәрсез көн күрмәс» һәм «Кул эшләрендә күңел җылысы» дигән темаларга күргәзмәләр эшләп куелды.

2016 нчы елның 5 нче мартында патриотик айлык кысаларында Түбән Көек урта гомуми белем мәктәбендә «Аҗаган» хәрби-спорт уены үткәрелде. «Динамит» һәм «Спортсмены» командалары көч сынашты. Ярыш «Динамит» командасы җиңүе белән тәмамланды.

2016 нчы елның 9 нчы мартында 8 нче март ― Халыкара хатын-кызлар көне уңаеннан Түбән Көек урта гомуми белем мәктәбенең башлангыч сыйныф укучылары әниләр өчен концерт-тамаша куйды. Беренче бүлектә монтаж һәм концерт номерлары, ә икенче бүлектә «Беренче театр» спектакле күрсәтелде. Әниләр бәйрәмне бик җылы кабул иттеләр.

2016 нчы елның 9 нчы мартында Түбән Көек урта гомуми белем мәктәбенең 5 нче сыйныфында профориентация айлыгы кысаларында «Һөнәрнең юк начары» дигән темага тәрбия сәгате үткәрелде (сыйныф җитәкчесе Гыйниятов Илшат Сәлахетдин улы). Укучылар күп төрле һөнәрләр белән таныштылар.

2016 нчы елның 25 нче февралендә Түбән Көек урта гомуми белем мәктәбендә рус теле һәм әдәбияты укытучыларының район семинаре булып узды. Анда укытучыларыбыз Кадимова Сөмбел Мулланур кызы (5 нче сыйныфта), Фәтхрахманова Эльвера Мансур кызы (7 нче сыйныфта) ачык дәресләр бирделәр. Соңыннан район укытучылары фикер алыштылар, тәҗрибә уртаклаштылар.

2016 нчы елның 22 нче февралендә узган X Спартакиадада чаңгы ярышы буенча Әтнә районы мәктәпләре арасында Түбән Көек урта гомуми белем мәктәбе укучылары командасы 1 нче урын алды һәм кубок белән бүләкләнде. Кызлар арасында Гараева 3 нче урын, ә егетләрдән Заһидуллин 1 нче урын алды.

Татар әдәбиятыннан республика призеры әзерләгән татар теле һәм әдәбияты укытучысы Галиәхмәтова Гөлшат Наил кызы Мәгариф һәм фән министрлыгының Мактау грамотасы белән бүләкләнде. Котлыйбыз һәм уңышлар телибез!

2016 нчы елның 20 нче февралендә Түбән Көек урта гомуми белем мәктәбендә бәйрәм моның белән генә тәмамланмады. «Илен сөйгән ир булган» исеме астында узган очрашудан соң, «Туган тел көне»нә багышланган, 2 команда арасында «Тамчы-шоу» интеллектуаль-күңел ачу уены үткәрелде. Ярыш 6-7 нче сыйныфлар арасында барды. «Тукай оныклары» һәм «Батырлар» командалары ихлас күңелдән ярыштылар. Командалар 36:34 очко җыйнап шоу-уен тәмамланды. Залда утырган балалар да сорауларга җавапларны табып командалар өчен җан атып утырдылар. Кыска гына вакыт эчендә телгә бәйләнеше булган бик күп мәгълүматлар белән таныштык. Бәйрәмнән барыбыз да күңел күтәренкелеге белән өйләргә таралыштык.

Бик борынгы заманнардан ук Ватан сакчысы булу дәрәҗәле, абруйлы һөнәрләрдән саналган. Ил-көннәр тыныч булганда, егет кешенең армия сафларында хезмәт итүе – ныклыкка сыналу ул. Ата-бабаларыбыз үрнәгендә, Ватан сагына басып илебез мөстәкыйльлеген яулаган еллардан алып бүгенге көнгә кадәр егетләребез армиядә хезмәт итеп кайталар. Аларның берсе дә солдат исеменә тап төшермәде, Ватан алдындагы бурычларын намус белән үтиләр.

2016 нчы елның 20 нче февралендә Түбән Көек урта гомуми белем мәктәбенә очрашуга әле күптән түгел генә армия сафларында булып кайткан егетләребез Иске Шимбер авылыннан Шиһабиев Алмаз, Әйшияз авылыннан Газизов Ленар, 4 ел элек хезмәт итеп кайткан шул ук авылдан Хисмәтов Ильяр килде.

2016 нчы елның 19 нчы февралендә Түбән Көек урта гомуми белем мәктәбенең беренче сыйныф укучылары «әлифба» белән хушлаштылар. Шул уңайдан зур бәйрәм – Әлифба бәйрәме үткәрделәр. Ул «Рәхмәт сиңа, Әлифбам!» дигән исем астында узды. Бәйрәмгә әти-әниләр дә чакырылды. Укучыларга Әлифбаны тәмамлау турында таныклык, әти-әниләргә «Рәхмәт хат»ы тапшырылды.