Татарстан Республикасы Әтнә муниципаль районы Түбән Көек төп гомуми белем мәктәбе сайтының (https://tkoek.ucoz.ru) Интернет челтәрен гизә башлавына ун ел булды.
Шушы дәвердә мәктәбебез сайты 2011 нче елда «Белем җәүһәрләре» II Бөтендөнья интернет-проектлар бәйгесенең «Урта белем учреждениесе – җәүһәрләр чыганагы» номинациясендә лауреат булды, диплом белән бүләкләнде, 2012 нче елда Татарстан Республикасы гомуми белем бирү учреждениеләренең Интернет-сайтлары арасында уздырылган V республика конкурсында III дәрәҗә диплом, «Белем җәүһәрләре» III Бөтендөнья интернет-проектлар бәйгесенең «Урта белем учреждениесе – җәүһәрләр чыганагы» номинациясендә III дәрәҗә грамота, 2014 нче елда «Белем җәүһәрләре» V Бөтендөнья интернет-проектлар бәйгесенең «Урта белем учреждениесе – җәүһәрләр чыганагы» номинациясендә I дәрәҗә диплом һәм 2017 нче елда «Белем җәүһәрләре – 2017» VIII Бөтендөнья файдалы татар интернет-проектлары бәйгесенең «Урта белем – яшь җәүһәрләр» номинациясендә Гран-при иясе булды, иң югары дәрәҗә диплом белән бүләкләнде. 2020 нче елда «Белем җәүһәрләре» Бөтендөнья интернет-проектлар бәйгесенең «Мәгариф һәм фән өлкәләрендә иң файдалы һәм популяр интернет-проект» номинациясендә уңышлы катнашкан Түбән Көек төп гомуми белем мәктәбе сайты дипломант булды.
